गढवा, १९ बैशाख । राजपुर गाउँपालिका-७ हाडबासमा वैशाख १६गते आगलागी हुँदा २४ घर जलेर नष्ट भएपछी पीडित परिवारलाई आर्थिक सहायता प्रदान गरिएको छ ।

गढवा होटल ब्यवसायी संघले आगलागी बाट क्षतिभएका २४ घरपरिवारका लागि २० हजार १ सय रुपैयाँ नगद आर्थिक सहयोग प्रदान  गरेको गढवा होटल ब्यवसायी संघका अध्यक्ष रामबहादुर थापा क्षेत्रीले जानकारी दिनु भयो। संघका अध्यक्ष सहितको टोलीले बुधबार हाडबास गाउँमा पुगेर राजपुर गाउँपालिका वडा नम्बर ७का अध्यक्ष पुष्कर वलि लाई सो रकम हस्तान्तरण गरेको हो।
“छिमेकी गाउपालिकामा आगलागीको घटना घटेको सुन्दा दुख लाग्यो हामी थोरै थोरै पैसा उठाएर अग्नि पिडित परीवारको दुखमा साथ दिन थोरै रकम भए पनी सहयोग गरेका छौ, सबैको साथ सहयोगले पिडित परिवारलाई थोरै भए पनि राहत हुन्छ सबैले सहयोग गरौ- गढवा होटल ब्यवसायी संघका अध्यक्ष रामबहादुर थापा क्षेत्रीले बताउनुभयो।” नगद रकम हस्तान्तरण गर्दै अध्यक्ष थापा क्षेत्रीले बिपदको समयमा प्रदान गरेको सानो सहयोग पनि पीडितलाई ठुलो राहत हुनसक्ने भएकाले सक्दो सहयोग सबैले गर्नुपर्ने बताउनुभएको छ ।

गत बैशाख १६ गते आइतवारका दिन राजपुर गाउँपालिका वडा नम्बर ७ हाडबासमा आगलागी हुदा २४ घर पूर्णरूपमा जलेर नष्ट भएको थियो । राजपुर गाउँपालिका वडा नम्बर ७ हाडबास गाउँ आगलागीले रित्तिएकाे छ । सामुदायिक वनबाट लागेको आगाे बस्तीमा पसेपछि हाडबास गाउँमा भएको २५ घर मध्ये २४ घर पूर्णरूपमा जलेर खरानी भएको थियो ।

–छविलाल कोपिला
हाम्रा बाले
घर छेउको बारी
फलामको कोदालोले खने
फलामकै फाली हालेर खेत पनि जोते
र फलेका हुन् तरकारी अन्नबाली ।

त्यसैगरि
फलामकै हँसियाले घाँस काटे
र पालिए लालाबाला
फलामकै बन्चरोले काटेर ल्याए
खाँबो, बलो र छन्टी
अनि मात्रै ठडिएको हो हाम्रो घर ।

भर्खरै,
पल्लो छिमेकीले फलामकै पावर टेलर किने
फलामकै ट्रेक्टर किने
अनि, फलामकै बाइक किनेर कुदाउँछन्
र फलामकै बस पनि गुडाइरहेछन् ।

उसैगरि
मेरो साइकल फलामकै हो
र गन्तव्य भेटाइदिएको छ बार–बार
मेरो कलमको नीब फलामकै हो
जसले लेखिरहेछ कैयौं शब्दहरू
र लेखिरहेछ
ऊ संग जोडिएका अनेक उचाइहरू
अनि क्रान्तिका अनेक प्रगतिहरू
तर अहिले
अन्धा आँखाहरूमा राज्य गरिरहेछन्
फलामकै पसिना लुटेर सुनहरू ।

लमही – दाङ

घोराही, १९ वैशाख । नेकपा एमाले दाङको १४ औ जिल्ला अधिवशन उद्घाटन गर्न एमाले अध्यक्ष केपी शर्मा ओली दाङ आउनुहुने भएको छ ।

एमाले दाङका अध्यक्ष हुकुमबहादुर बस्नेतको अध्यक्षता तथा एमाले पोलिट्व्यूरो सदस्य नरुलाल चौधरीको प्रमुख आतिथ्य एवं केन्द्रीय सदस्य तथा दाङ इञ्चार्ज चेतनारायण आचार्यको आतिथ्यमा बुधवार घोराहीमा बसेको जिल्ला कमिटी बैठकले दंगाली कम्युनिष्ट आन्दोलनका योद्धा शहिद नेत्रलाल अभागीको स्मृति दिवस पारेर आउदो जेठ ६ गते जिल्ला अधिवेशन गर्ने निर्णय भएको र अधिवेशन उद्घाटन गर्न पार्टी अध्यक्ष ओली दाङ आउनुहुने भएको हो ।

सो अवसरमा एमाले महासचिव शंकर पोख्रेललगायतका शिर्ष नेता दाङ आउनुहुने भएको छ । बैठकले दाङका सयवटै वडाहरुमा वैशाख २८ गते प्रतिनिधि छनोट गर्ने निर्णय गरेको छ । प्रतिनिधि छनोट गर्दा २० जना पार्टी सदस्य बराबर १ जना प्रतिनिधि छानिने र यसरी छानिएका प्रतिनिधि मध्ये ३ जनामा १ जना महिला अनिबार्य हुनुपर्ने ब्यबस्था रहेको प्रचार विभाग उपप्रमुख संगीत बस्यालले जानकारी दिनुभयो ।

वैठकले जिल्ला कमिटीका पदाधिकारी र सदस्यहरु समेत वडाबाटै चुनियर आउनुपर्ने, जनवर्गिय संगठनबाट आउने प्रतिनिधिहरु सम्बन्धित संगठनको जिल्ला कमिटीको बैठकबाट छनोट भएर आउनुपर्ने निर्णय वैठकले गरेको छ । सो अबसरमा नेकपा एमाले घोराही कमिटीले प्रकाशन गरेको भित्ते पात्रो विमोचन समेत गरिएको छ ।

जिल्ला उपाध्यक्ष राममणी पाण्डेको स्वागत मन्तब्यबाट सुरु भएको वैठकको सहजीकरण सचिव मनोहर बुढाथोकीले गर्नुभएको थियो ।