देउखुरी, १५ जेठ । दाङको लमहीमा १६ औँ गणतन्त्र दिवसको अवसरमा सन्ध्याकालिन दिप प्रत्वलन गर्दै खुशीयाली मनाइएको छ । नेकपा (माओवादी केन्द्र) लमही नगर कमिटीले साेमबार साँझ धमिला चाेक स्थित दिप प्रज्वलन गर्दै एक आपसमा खुशी साटासाट गरेर दिवस मनाइएको हो ।
नेकपा (माओवादी केन्द्र) लमही नगर कमिटीका अध्यक्ष दिलकुमार श्रेष्ठकाे अध्यक्षता एवम् नेकपा (माओवादी केन्द्र) का केन्द्रीय सदस्य इन्द्रजीत थारूकाे प्रमुख अतिथिमा लमही बजार परिसरमा दिप प्रज्वलन गरिएको छ ।
दिप प्रज्वलन कार्यक्रममा नेकपा (माओवादी केन्द्र) अखिल क्रान्तिकारी पुर्व जिल्ला अध्यक्ष कल्याण अधिकारी, लुम्बिनी प्रदेश कमिटी सदस्य लक्ष्मी चाैधरी, प्रदेश कमिटी सदस्य एवम् लमही नगर इञ्चार्ज बसन्त शर्मा (विक्रान्त) लगायतले सम्बाेधन गर्नुभएको थियोे ।
कार्यक्रमलाई सम्बाेधन गर्दै प्रमुख अतिथि इन्द्रजीत थारूले अहिलेका महत्वपूर्ण उपलब्धीहरू नेकपा (माओवादी केन्द्र) ले संचालन गरेको महान १० वर्ष जनयुद्ध र ऐतिहासिक जनआन्दोलनको उपलब्धि भएको बताउनुभयो ।
लमही नगरपालिका नेता तथा कार्यकर्ताको उपस्थितिमा गणतन्त्र दिवस मनाइएको छ ।कार्यक्रमकाे सहजिकरण नेकपा (माओवादी केन्द्र) का पुर्व विद्यार्थी नेता माेहन भुषालले गर्नु भएको थियोे ।।
