गढवा,७ कार्तिक
दाङको घोराहिमा तिनवटा फर्निचर उधोगमा आगलागी हुदा करोडौको क्षति भएको छ । आगलागीबाट घोराहि सहिद उमेश मार्ग रोडमा रहेका तीन वटा फर्निचर उद्योग पूर्ण रूपमा क्षति भएको छ ।
न्यू दाजुभाई, दाजुभाई र स्टार दाजुभाई तीन वटा फर्निचर उद्योगमा आगलागी भएको प्रहरीले जानकारी दिएको छ ।
आगलागीबाट करोडौको क्षति भएको अनुमान गरिएको छ ।
राति करिब १२ बजेतिर लागेको आगो बिहान करिब साढे ४ बजे नियन्त्रणामा आएको हो ।
नेपाल प्रहरी, सशस्त्र प्रहरीले घोराहि उपमहानगरपालिका, तुलसीपुर उपमहानगरपालिका र लमही नगरपालिकाको सहयोगमा आगो नियन्त्रणमा ल्याईएको हो । लक्ष्मीपूजामा बालिएको दियोका कारण आगलागी भएको हुन सक्ने आशंका गरिएको छ ।
यता घटना प्रति दाङ उधोग बाणिज्य सङघ र तुलसीपुर उधोग बाणिज्य सङघ द्वारा दुख: ब्यक्त गरेका छन ।
अध्यक्ष टंकसिह बुढाथोकि र रामप्रसाद चालिसेले बार बार पसलहरुमा आगलागी हुदा नियन्त्रण गर्ने संम्यन्त्र प्रभाबकारि नहुनु दुखद कुरा भएको बिज्ञप्तिमा उल्लेख गरिएको छ ।
सङघले आगलागी ब्यबसायिहरुलाई सहयोग गर्न सबैमा आब्हान गरेको छ ।
