कैलालीको धनगढी उपमहानगरपालिका–१३ बोराडाडीस्थित त्रिभुवन माध्यमिक विद्यालयको अग्रेजी माध्यमको कक्षा ८ को फस्ट गल्र्स हुन्, आस्था शर्मा । धनगढी उपमहानगरपालिका–१३ की १५ आस्था विद्यालयकी प्रतिभावाल छात्रा हुन् ।१९ भदौंमा विद्यालयमा पढिरहेको बेलामा ठुलो पानी प¥यो । एक किलोमिटर टाढा रहेको घर पुग्दा किताब, कापी भिज्ने डरले झोला साथीलाई दिएर आस्था घर लागिन् ।
२० भदौं विहान ८ बजे आस्था घरबाट निस्कीईन् । झोला साथीको घरमा भएकाले उतै बसेर होमवर्क गर्नुछ भनेर चाँडै निस्किएकी आस्था अटो चढेर गएकी थिइन् ।साँझ सबै घर फर्किदा आस्था आइनपुगेपछि सोधखोज गर्दा उनी न त साथीको घरमा पुगेकी रहेछिन, न त विद्यालय नै । प्रहरीलाई खबर गरियो । घरपरिवार, विद्यालय परिवार र साथीभाई चिन्तामा डुबे ।त्यहि साँझबाट प्रहरी, स्थानीय, विद्यालय समेत मिलेर आस्थाको खोज तलास सुरु भयो ।
प्रहरीले उनीसंग नजिक भएका साथीभाई सोधखोज गर्न थाल्यो ।प्रहरीको प्रारम्भिक अनुसन्धानका क्रममा आस्था एक किशोरको प्रेममा भएको खुलेको छ । मुस्लिम समुदायका ती किशोरसँग आस्थाको दैनिकजसो कुरा हुने गरेको अनुसन्धानमा खटिएका एक प्रहरी अधिकृतले जनाए ।‘पछिल्लो पटक आस्थाले ती किशोरलाई प्रेम प्रस्ताव राखेकि थिईन,’ प्रहरी अधिकृतले भने–ती किशोरले आस्थाको उमेर सानै भएका कारण अहिले नै प्रेम सम्बन्धमा बस्न नहुने भन्दै उनलाई सम्झाएका थिए ।’आस्थाले जिद्दि गर्न थालेपछि ती किशोरले आस्थालाई फेसबुकमा ब्लक गरे ।तर, मायामा पागल भएकी आस्थाले भने त्यो सहन सकिनन् । र, सोमबार बिहान ती किशोरलाई भेटर आफूलाई किन ब्लक गरेको भनेर सोधेको पनि प्रहरीको अनुसन्धानबाट खुलेको छ ।विद्यालय नगई आस्था ती किशोरसंग भेट्ने योजनाले धनगढीको फाप्ला पुगिन् । उनले ती किशोरलाई त्यहाँ भेट्न बोलाईन् ।
‘साँझ भेट्न नआए मेरो मुख हेर्न पाउँदैनौं’ भनेर उनले आफ्नो बहिनीलाई भनेको कैलाली प्रहरीले जनाएको छ ।एकोहोरो मायामा परेकी आस्थाको प्रेम प्रस्ताव अस्वीकार गरेर र फेसबुकमासमेत ब्लक गरेका कारण उनले मोहनामा हामफालेको हुनसक्ने आशंका गरिएको छ ।
बेपत्ता भएको ४ दिनपछि १६ वर्षीया आस्था शर्माको श’व शुक्रबार बिहान मोहना नदीमा फेला परेको छ । खोज्ने क्रममा उनको श’व भारततर्फको हल्दुघाटस्थित मोहना किनारमा फेला परेको हो ।आस्थाले लगाएको ट्रयाकको गोजीमा आस्था शर्मा लेखिएको कागज फेला परेपछि उनको पहिचान खुलेको जिल्ला प्रहरी कार्यालय कैलालीका प्रवक्ता एवं प्रहरी नायव उपरीक्षक बेद प्रकाश जोशीले बताए ।‘कागजमा कविता लेखिएको छ,’ प्रहरी प्रवक्ता जोशीले भने–कविताको अन्त्यमा आस्था शर्मा लेखिएको पाईएको छ ।’ घटनास्थलमा मृ’तकका आफन्त पुगेका छन् । आस्थाको हातमा कालो धाँगो बाधिएको रहेछ, त्यसका आधारमा पनि मृतकको बुवाले छोरीको श’व भएको पहिचान गरेका छन् ।
आस्था अध्ययनरत विद्यालयका प्रधानाध्याक सिताराम अवस्थीले घटनाले दुखी तुल्याएको बताए । ‘विद्यालयले एक होनाहार विद्यार्थी गुमाएको छ,’ प्रअ अवस्थीले भने–हामी मर्माहत भएका छौं ।
