गढवा,५ चैत्र। गढवा गाउँपालिका वडा नम्बर ७ का जनप्रतिनिधि समाजका अगुवा कृषक हरूबीच कृषि तथा पशु विकासको क्षेत्रमा विकास गर्नका लागि रणनीति तथा योजना कार्यक्रम आजा सम्पन्न भएको छ।
कार्यक्रममा आगामी दिनमा कृषि तथा पशुको क्षेत्रमा के कस्ता कार्यहरू गर्दा किसानहरूलाई प्रभावकारी हुने बारेमा वृहत रुपमा समाजका अगुवा जनप्रतिनिधि तथा कृषकहरु बीचको छलफल कार्यक्रम सम्पन्न भएको हो।
गढवा गाउँपालिका वडा नम्बर ७ का वडा अध्यक्ष राहुलदेव चौधरीको अध्यक्षतामा भएको कार्यक्रममा गढवा गाउँपालिकामा सञ्चालित भिटा परियोजनाद्वारा किसानहरूको जीवनस्तर उकास्नका लागि व्यवस्थित बजारीकरण र उत्पादन म जोड दिनका लागि के कस्ता प्रयासहरु गर्न सकिन्छ र के कस्ता कार्यहरू गर्दा किसानहरुलाई प्रत्यक्ष रुपमा टेवा पुग्न मद्दत गर्ने बारेमा बृहत रुपमा छलफल भएको हो ।
गढवा गाउँपालिकाले कृषि तथा पशु विकासको क्षेत्रमा कार्य गर्नका लागि हेफर प्रोजेक्ट नेपाल र ग्रामीण महिला उत्थान केन्द्र घोराही दाङसँग सहकार्य गरेर भिटा परियोजना कार्यक्रम सञ्चालन गरेको छ।
परियोजनाले मुख्य गरी कृषि तथा पशुको क्षेत्रमा नविनतम कार्यहरू गर्दै आएको गढवा गाउँपालिका भिटा परियोजना कार्यक्रम संयोजक बसन्तकुमार शर्माले जानकारी दिनुभयो।
कार्यक्रममा गढवा गाउँपालिका कृषि विकास शाखाका प्राविधिक दिक्पाल धौराली र निहारिका चौधरीले सहजीकरण गर्नुभएको थियो। सहजकर्ता द्वयले कृषि तथा पशुपालक कृषकहरूलाई व्यावसायिक उत्पादन, बजारीकरण लगायतको विभिन्न विषयमा बृहत रूपमा जानकारी दिनुभएको थियो।
कार्यक्रमको सहजीकरण गढवा गाउँपालिका, भिटा परियोजनाका परियोजना संयोजक वसन्तकुमार शर्माले गर्नुभएको थियो।
