एउटा यस्तो गुलाब
तिमीलाई दिँदै छु म
जुन गुलाबको
हरेक पत्ता पत्तामा
बस् भाव र भावनाका रङ्ग
पोतिएका छन्
जुन रङ्गले
सारा ब्रम्हाण्डको सौन्दर्यलाई
केन्द्रित गरेर
चम्किलो प्रेम भरिदिएका छन् ।
एउटा यस्तो गुलाब
तिमीलाई दिँदै छु म
त्यो गुलाबको
गुच्छा गुच्छामा भरिएको प्रेमले
तिम्रो मनमा
एक अलग्गै वास्ना छोडिदिनेछन्,
त्यो वास्नाले
संसारको सारा दुःखलाई
विकेन्द्रिकित गरिदिनेछ
तिमीबाट धेरै टाढा
अनि मात्रै प्रेमरुपी सुवास
तिम्रो मनमा भारिदिने छन् ।
त्यो सुवासले हर्ष फैलाउने छ
मनमा शान्तिको आभास दिलाउने छ
जसरी प्यासले तड्पिएको प्राणीले
पानीरुपी तृप्तता पाउँछ
त्यस्तै वासना रुपी तृप्तताले
तिम्रो यौवन भरिदिने छ।
एउटा यस्तो गुलाब
तिमीलाई दिँदै छु म
जुन गुलाबमा
काँडाको कुनै अंश छैनन्
न त पत्कररुपी खोक्रा भाव छन्
त्यो गुलाबमा
छ त केवल सौन्दर्य
त्यो सौन्दर्य पनि यस्तो
जसलाई बन्द आँखाले पनि
घन्टौ महसुस् गरिरहन सक्छन्
जुन सुन्दरताको कुनै अन्त्य छैन्
बस् आफ्ना इन्द्रियको मधुमाससँगै
तिमीमा नै लिन हुनेछ
छातीभरि भरिने छ
हराउने छ तिम्रो स्पर्शमा
अनि मिसिने छ
तिम्रो प्रेमको स्पन्दनमा
एउटा यस्तै गुलाब
तिमीलाई दिँदै छु म।
लेखक: बुद्ध ज्योति मावि गढवाका शिक्षक हुनुहुन्छ।
