गढवा,१७ भदौं। दाङ देउखुरीको गढवा गाउँपालिकामा मंगलबार एक दिने उपेक्षित उष्णप्रदेशिय रोगहरू (NTDS) सम्बन्धी सचेतनामूलक कार्यक्रम गढवा गाउँपालिकाको सभाहलमा सम्पन्न भएको छ।
गढवा गाउँपालिकाका प्रमुख प्रशासकीय अधिकृत कृष्णप्रसाद पौड्यालको अध्यक्षतामा सम्पन्न भएको कार्यक्रममा गढवा गाउँपालिकाभरका सामुदायिक तथा संस्थागत विद्यालयहरुमा स्वास्थ्य विषय अध्यापन गराउने शिक्षकहरुको सहभागिता रहेको थियो ।
गढवा गाउँपालिकाको समन्वय सहकार्य तथा फेयरमेड फाउण्डेशनको आयोजनामा गढवाका शिक्षकहरुलाई उपेक्षित उष्णप्रदेशिय रोगहरूहरुको बारेमा बृहत् रुपमा जानकारी गराईएको थियो । कार्यक्रम पश्चात शिक्षकहरुले आ-आफ्नो विद्यालयमा जानकारी आदानप्रदान गर्ने गरी जानकारी दिईएको छ ।
कार्यक्रमको प्रशिक्षकमा फेयरमेड फाउण्डेशन नेपालका स्वास्थ्य प्रवर्द्धन विशेषज्ञ तुल्सीराम खनाल,स्वास्थ्य प्रवर्द्धन विशेषज्ञ तुल्सीराम खनाल र गढवा स्वास्थ्य चौकीका प्रमुख सुर्य नारायण यादव रहनु भएको थियो ।
उपेक्षित उष्णप्रदेशिय रोगहरूहरुमा कुष्ठरोग, हात्तिपाईले,माटोबाट जुका, नाम्ले जुका, लुतो, रेबिज, डेङ्गु , सर्पदंस र कालाजार समाबेश रहेका छन्। जसको बारेमा सहभागी शिक्षकहरुलाई बिस्तृत रुपमा जानकारी दिईएको थियो।
उपेक्षित उष्ण प्रादेशिक रोग उपेक्षित वास्ता नगरिएको हेला गरिएको भन्ने बुझिन्छ। उष्ण प्रदेशमा रहेका एक सार्नु देशहरूबाट प्रतिवेदन गरिएका सरुवा रोगहरूको ठूलो समूह जसका कारण बर्सेनि १० करोडभन्दा बढी मानिसहरूलाई असर गरेको छ। लाखौं डलरको आर्थिक भार सिर्जना गरेको छ। गरिबीको अवस्थामा रहेका मानिसहरू वातावरणीय सरसफाईको अवस्था सन्तोषजनक नभएका स्थानहरू यी रोगहरूको चपेटामा पर्ने गरेका छन्। संक्रमित किटहरु घरपालुवा जनावर तथा समुदायमा पाइने अन्य जीवजन्तु सँगको हाम्रो नजिकको सम्बन्धबाट पनि सर्ने गर्दछ।
कार्यक्रममा गढवा गाउँपालिकाभरका सामुदायिक तथा संस्थागत विद्यालयहरुको स्वास्थ्य विषयका शिक्षकहरु,प्रेरणा परियोजनाका संयोजक बिबेक केसी, सामाजिक परिचालन अमित कुमार यादव, लगायतको सहभागिता रहेको थियो।
गढवा गाउँपालिका शिक्षा शाखा प्रमुख श्यामबहादुर बिकको स्वागत मन्तव्यबाट सुरु भएको कार्यक्रमको सञ्चालन स्वास्थ्य शाखा प्रमुख कैलाश चन्द्र चौधरीले गर्नु भएको थियो।
