पूर्व प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’ले ऊर्जा क्षेत्रलाई राष्ट्रिय प्राथमिकता बनाएर अघि बढ्नुपर्नेमा जोड दिएका छन्। उनले गणतन्त्र स्थापनापछि पहिलो सरकारले ऊर्जा र कृषिलाई आधारभूत प्राथमिकता दिएको स्मरण गर्दै, लोडसेडिङको अन्त्य आफ्नो राजनीतिक आँट र नेतृत्वको निर्णयको परिणाम भएको बताए।
प्रचण्डले कुलमान घिसिङलाई ऊर्जा प्राधिकरणको नेतृत्वमा ल्याउने निर्णयलाई परम्परागत ढाँचा भत्काएर नयाँ, जनपक्षीय सेटिङ बनाउने साहसपूर्ण कदमको रूपमा प्रस्तुत गरे। उनले पुराना कानुन, नियम र नौकरशाहीमा रहेका अवरोधलाई हटाएर ऊर्जा विकासलाई अघि बढाउनुपर्नेमा जोड दिए।
त्यसैगरी, स्व. पोस्टबहादुर बोगटीको योगदानलाई सम्झाउँदै प्रचण्डले ऊर्जा क्षेत्रमा स्थिरता र महत्वपूण परियोजनाको नेतृत्वमा राजनीतिक भिजन निर्णायक भएको बताए। उनले माओवादी नेतृत्वमा गणतन्त्र, राष्ट्रिय गौरवका आयोजना, शिक्षा र निजामती सेवा विधेयक अघि बढेको पनि स्मरण गरे।
