गढवा ,१८ श्रावण । गढवा गाउँपालिका–३ गोबरडिहाका ७३/७४ वर्षीय पुरण चौधरीको शव फेला परेको छ। इलाका प्रहरी कार्यालय अमिलियाका प्रहरी निरीक्षक भवानी प्रसाद धमलाका अनुसार, चौधरी साउन १४ गते श्रीमतीसँग वृद्ध भत्ता लिन गढवा गएका थिए र त्यसपछि गढवा गाउँपालिका–५ स्थित छोरीको घरमा पुगेका थिए।
छोरीको घरबाट ‘म घर गैहाल्छु’ भन्दै निस्किएका चौधरी त्यसयता सम्पर्कविहीन थिए। आज बिहान करिब ११ बजे लमही नगरपालिका–९ हात्तिखाल नजिक राप्ती नदीमा उनको शव फेला परेको प्रहरीले जनाएको छ।
मृतकको शव पोष्टमार्टमका लागि लमही अस्पतालमा राखिएको छ र घटनाबारे थप अनुसन्धान भइरहेको प्रहरीले जनाएको छ।
Please follow and like us:
मा प्रकाशित
[TheChamp-FB-Comments num_posts='5']
