दाङ,१ श्रावण।नेपाल प्राकृतिक सौन्दर्य, सांस्कृतिक विविधता र साहसी युवाशक्तिले भरिएको देश हो । यस्ता युवाहरुलाई उचित प्रशिक्षण, अवसर र अन्तर्राष्ट्रिय प्रतिस्पर्धाको वातावरण मिल्ने हो भने उनीहरुले राष्ट्रिय गौरव बढाउन सक्छन् । लुम्बिनी प्रदेशको घोराहीमा स्थापना भएको लुम्बिनी फुटबल एकेडेमी त्यसैको एक जीवन्त उदाहरण बन्दै गएको छ, जसले छोटो अवधिमा नै आफ्ना खेलाडीहरुलाई युरोपको डेनमार्कमा आयोजना हुने प्रतिष्ठित डाना कपमा सहभागी हुने अवसर दिलाएको छ ।
यस यात्राले केवल खेलाडीको आत्मबल बढाउने मात्र होइन, नेपाल र विशेषगरी लुम्बिनी प्रदेशको फुटबल विकासमा दूरगामी प्रभाव पार्ने निश्चित छ ।
लुम्बिनी फुटबल एकेडेमीको संक्षिप्त परिचय ः
–२०८० सालको साउन १ गतेदेखि औपचारिकरूपमा सञ्चालनमा आएको लुम्बिनी फुटबल एकेडेमीले छोटो समयमा धेरै उपलब्धिहरू हासिल गरेको छ ।
–नेपालका विभिन्न जिल्लाबाट प्रतिभाशाली खेलाडीहरू समेटिएको छ ।
–विपन्न समुदायका विद्यार्थीहरूलाई छात्रवृत्तिमार्फत अवसर दिइएको छ ।
–एकेडेमीको आफ्नै फुटबल मैदान छ ।
–आवासीय प्रशिक्षणको व्यवस्था, विशेषगरी महिला र पुरुष खेलाडीलाई फरक–फरक तरिकाले ध्यान दिइएको छ ।
–लामो समयदेखि फुटबल क्षेत्रमा क्रियाशील समिर वलीको नेतृत्वमा एकेडेमी अगाडि बढिरहेको छ ।
–यो पूर्वाधार, व्यवस्थापन र दूरदर्शी योजनाको सफल संयोजन हो ।
डाना कप के हो ? यसको महत्व ः
–डाना कप युरोपको डेनमार्कमा हरेक वर्ष आयोजना हुने विश्वप्रसिद्ध युथ फुटबल प्रतियोगिता हो ।
–५० भन्दा बढी देशका क्लबहरू सहभागी हुन्छन् ।
–करिब १ हजारभन्दा बढी टिम, हजारौं खेलाडी र प्रशिक्षक सहभागी हुन्छन् ।
–१६ वर्षमुनिका उमेर समुहका खेलाडीका लागि अत्यन्तै प्रतिस्पर्धात्मक वातावरण हुन्छ ।
यस प्रतियोगितामा सहभागी हुनु आफैँमा ठूलो कुरा हो । नेपाली खेलाडीहरुको सहभागिताले नेपाललाई विश्व युथ फुटबल मञ्चमा प्रस्तुत गर्ने अवसर मिलेको छ ।
लुम्बिनी प्रदेशबाट पहिलो सहभागिताः एक ऐतिहासिक क्षण ः
–यो पहिलो पटक हो, जब लुम्बिनी प्रदेशबाट कुनै एकेडेमीले डाना कपजस्तो उच्चस्तरीय प्रतियोगितामा सहभागी हुने मौका पाएको छ । यो सहभागिता मात्र खेलको स्तर होइन, क्षेत्रीय पहिचान, नेतृत्व र सम्भावनाको प्रमाण पनि हो ।
यसबाटः
–प्रदेश स्तरीय फुटबल विकासको वातावरण बन्न सक्छ ।
–अन्य जिल्लाहरुले पनि यस्ता एकेडेमी खोल्ने प्रेरणा पाउनेछन् ।
–स्थानीय सरकारले खेलकुदमा लगानी गर्न उत्साहित हुनेछ ।
–राष्ट्रिय टोलीका लागि ‘ग्रासरुट’ बाट खेलाडी उत्पादनको बलियो संयन्त्र निर्माण हुन सक्छ ।
अन्तर्राष्ट्रिय प्रतिस्पर्धाः खेलाडीको स्तरवृद्धिको सशक्त उपाय ः
–लुम्बिनी फुटबल एकेडेमीका खेलाडीहरु युरोप जाँदै छन् भने त्यो उनीहरुको मानसिक, शारीरिक र रणनीतिक स्तरवृद्धिको ठुलो अवसर हो । यसबाट खेलाडीहरुलाई निम्न लाभ हुनेछ ः
–उनीहरुले विश्वस्तरीय प्रतिस्पर्धा देख्नेछन् ।
–आफुभन्दा अगाडि रहेका खेलाडीहरूसँग प्रत्यक्ष खेलेर सिक्नेछन् ।
–अनुशासन, प्रशिक्षणको शैली, फिटनेस र टीम भावनाको अन्तर अनुभूत गर्नेछन् ।
–यसले उनीहरुलाई भविष्यमा राष्ट्रिय टिममा प्रतिनिधित्व गर्न सक्षम बनाउनेछ ।
खेलाडीको आत्मबल र सपनाको विस्तार ः
–नेपालका ग्रामीण क्षेत्रका अधिकांश खेलाडीहरूले विदेश जानु त परै जाओस्, काठमाडौँसमेत पुग्न पाएका हुँदैनन् । यस्तो अवस्थामा डाना कपको यात्रा सपना पूरा गर्ने ढोका मात्र होइन, नवप्रेरणा र आत्मबलको श्रोत बन्छ । यस्ता यात्राले उनीहरुमा ‘हामी पनि सक्छौँ’ भन्ने आत्मविश्वास बढाउँछ । फुटबलप्रतिको समर्पण र मेहनतमा इमान्दारी ल्याउँछ । अन्तर्राष्ट्रियरुपमा चिनिन पाउँदा उनीहरु भविष्यमा विदेशी लिगमा पनि पुग्न सक्ने सम्भावना बढ्छ ।
नेपाली फुटबलको सन्देशः हामीसँग पनि सम्भावना छ ः
–लुम्बिनी फुटबल एकेडेमीको यो सफलता सन्देश हो– नेपालसँग पनि प्रतिभा, प्रतिबद्धता र क्षमतायुक्त खेलाडी छन् । खेलकुद क्षेत्र राज्यको नीति–कार्यक्रममा प्राथमिकतामा पर्नुपर्छ । निजी क्षेत्र र स्थानीय तहको सहकार्यले फुटबलको नवयुग सुरु गर्न सकिन्छ ।
ग्रासरुटमा लगानी गर्न सके आजका खेलाडी भोलि राष्ट्रिय र अन्तर्राष्ट्रिय स्टार बन्न सक्छन् ।
के गर्न सकिन्छ फुटबलको विकासका लागि ?
क. नीतिगत प्राथमिकता ः
–विद्यालयस्तरमै फुटबल प्रतियोगिता अनिवार्य बनाउने ।
–स्थानीय तहले प्रत्येक वडामा खेल मैदान विकास गर्ने योजना बनाउने ।
–प्रदेश सरकारले खेलकुद विकास बोर्डलाई सशक्त बनाउने ।
ख. पूर्वाधार विकास ः
–प्रत्येक जिल्लामा कम्तीमा एउटा व्यवस्थित फुटबल एकेडेमी बनाउने ।
–ग्रामीण क्षेत्रमा खेल मैदान निर्माणमा बजेट छुट्याउने ।
–निजी क्षेत्रको लगानीलाई आकर्षित गर्ने सहुलियत नीति बनाउने ।
ग. प्रतिभा पहिचान र प्रवद्र्धन ः
–विद्यालयस्तरको स्काउटिङ प्रणाली बनाउने ।
–फुटबल क्याम्प, प्रतियोगिता, लिग संचालन गर्ने ।
–अन्तर्राष्ट्रिय प्रशिक्षकसहित विशेष प्रशिक्षण कार्यक्रम सञ्चालन गर्ने ।
दाङको गौरवः लुम्बिनी फुटबल एकेडेमी ः
–दाङको घोराहीमा यस्तो स्तरको एकेडेमी स्थापना हुनु दाङवासीको गर्वको विषय हो ।
–यसले दाङलाई फुटबलको ‘हब’ बनाउन सक्छ ।
–शिक्षा र खेललाई जोडेर युवाहरुलाई रचनात्मक दिशातर्फ डोरÞ्याउन सक्छ ।
–जिल्लाको सामाजिक र आर्थिक पहिचानसमेत बदल्न सक्छ ।
–एकेडेमीले आज देखाएको सानो पाइला भोलि दाङलाई राष्ट्रिय खेलकुद राजधानीको रुपमा उभ्याउने सम्भावना बोकेको छ ।
अन्तर्राष्ट्रिय अनुभव, राष्ट्रिय सम्भावना ः
–खेलाडीहरू डाना कपबाट फर्किएपछिः
–उनीहरुले आफ्ना साथीहरूलाई नयाँ सीप, अनुशासन र अनुभव बाँड्न सक्छन् ।
–प्रशिक्षकहरूले प्रशिक्षण पद्धतिमा नयाँ प्रयोग गर्न सक्छन् ।
–एकेडेमीले रोल मावेडल उत्पादन गरेर देशभरबाट नयाँ प्रतिभा भेला गर्न सक्छ ।
–यो यात्रा व्यक्तिगत मात्र नभएर संस्थागत र प्रणालीगत परिवर्तन ल्याउने अवसर हो ।
स्थानीय सरकार, प्रदेश र केन्द्रीय सरकारको भूमिका ः
–स्थानीय तहले एकेडेमीलाई आर्थिक अनुदान, पूर्वाधारमा सह
