गढवा, १८ फागुन। गढवा होटल ब्यवसायी संघको सातौं वार्षिकोत्सव तथा वनभोज कार्यक्रम शनिबार गढवा १ धानखोलामा सम्पन्न भएको छ।
गढवा होटल ब्यवसायी संघका अध्यक्ष रामबहादुर थापाको अध्यक्षता तथा गढवा गाउँपालिका अध्यक्ष यमनारायण शर्मा पोख्रेलको प्रमुख आतिथ्य तथा गढवा गाउँपालिका १ नम्बर वडा अध्यक्ष बाबुराम अधिकारी र होटल व्यवसायी संघ लुम्बिनी प्रदेशका अध्यक्ष महेन्द्र श्रेष्ठको विशिष्ट आतिथ्यमा सम्पन्न भएको हो ।
सातौं वार्षिक उत्सव तथा वनभोज कार्यक्रममा बोल्दै प्रमुख अतिथि तथा गढवा गाउँपालिका अध्यक्ष यमनारायण शर्मा पोख्रेलले गढवाको कोईलाबासलाई मुख्य व्यापारिक रुपमा विकाश गर्न छलफल भैरहेको तर भारतको संरक्षित व क्षेत्र भएकाले कठिआई आईपरेको बताउनुभयो। कोईलाबासलाई व्यापारिक नाकाको रुपमा केही बाधा व्याबधान भएतापनि पर्यटकीय क्षेत्रको रुपमा बिकाश गर्न पालिका निरन्तर लागि परेको बताउनुभयो। भारतबाट ठुलो संख्यामा पर्यटक आउने गरेको बताउदै अध्यक्ष पोख्रेलले कोईलाबास र गढवा बजारमा सुविधा सम्पन्न होटलको आवश्यकता देखिएकोले एकल अथवा संयुक्त लगानीमा होटल ब्यवसाय सञ्चालन गर्न आवश्यक रहेकोले तायस तर्फ ध्यान दिन अनुरोध समेत गर्नु भयो।गढवा गाउँपालिकाले सामाजिक सुरक्षा कोष संग सम्झौतामा हस्ताक्षर गरी सम्झौता गरेकोले सामाजिक सुरक्षा कोषमा समाबेश हुने बारे सबैलाई जानकारी गराउनु भयो। बुढेसकालको सहारा सामाजिक विकास कोष भएकाले सबै उद्योगी व्यापारी व्यवसायी त्यसमा जोडिन अनुरोध समेथ गर्नु भयो।
विशिष्ट अतिथि तथा होटल व्यवसायी संघ लुम्बिनी प्रदेशका अध्यक्ष महेन्द्र श्रेष्ठले गढवाका होटल ब्यवसायीहरु उत्साहित र उर्जावान भएको बताउनुभयो। होटल व्यवसायलाई पर्यटन संग जोड्ने प्रमुख कार्य भएको भन्दै गढवा होटल ब्यवसायी संघले पर्यटन व्यवसायलाई बढावा दिन गढवा को सिमा क्षेत्र धानखोलामा वार्षिकोत्सव तथा बनभोज कार्यक्रम गरिनु उत्तम भएको बताउनुभयो। गढवा होटल व्यवसायी संघको भवन निर्माणका लागि गढवा गाउँपालिकाले गरेको सहयोग उदाहरणीय रहेको बताउनुभयो। मक्का मदिना जस्तै लुम्बिनी लाई प्रचार प्रसार गर्न आवश्यक रहेको बताउनुभयो।
कार्यक्रममा बोल्दै गढवा गाउँपालिका वडा नम्बर १ का वडाध्यक्ष बाबुराम अधिकारीले धानखोलामा पर्यटन व्यवसायलाई जोड्नका योजना बनाएको बताउनुभयो । होटल हाम्रो दोस्रो घर भएको बताउदै वडाध्यक्ष अधिकारीले होटल सञ्चालन गर्दा ग्राहक बर्गको आवश्यकता अनुसार सेवा दिनुपर्ने बताउनुभयो । ग्राहक सन्तुष्टी नै होटलको व्यवसायहरुको प्रमुख सेवा हो। स्थानीय सरकारले होटल व्यवसायीहरुलाई थप व्यवस्थित गर्न आवश्यकता अनुसारको तालिम कार्यक्रमहरु आयोजना गर्नु पर्ने बताउनुभयो।
दुई जना उत्कृष्ट व्यवसायी लाई प्रशंसा पत्रले सम्मान समेत गरिएको थियो। सम्मानित हुनेहरुमा व्यवसाय नविकरण तथा कर भुक्तानी गर्दै एक सफल कुसल उत्कृष्ट व्यवसायीको रुपमा पहिचान बनाउन सफल भएको भन्दै राजेश किराना तथा मदिरा पसल गढवा – ३ का राजेश चौधरी,
गढवा १ मा रहेको गोर्खा लामा होटलका प्रोप्राइटर कामी तामाङ, त्यसैगरी विभिन्न कार्यक्रममा कला संस्कृतिको जगेर्ना गर्दै कार्यक्रमको सोभा बढाएको भन्दै गढवा पञ्चैबाजा कला संस्कृति संरक्षण केन्द्र गढवालाई सम्मानित गरेको छ।त्यसैगरी गढवा होटल ब्यवसायी संघका सचिव पदमा रही होटल व्यवसायी संघको समुन्नत विकास र विस्तारका लागि पुर्याएको योगदानलाई उच्च कदर गर्दै शंघका सचिव टोपलाल सुबेदी सागरलाई सम्मान गरेको छ। हर्क बहादुर चौधरी, राजन खनाल, लगायतकका व्यक्तित्व तथा पसलका प्रोप्राइटर लाई सम्मानित गरिएको थियो।
सातौं वार्षिकोत्सव तथा वनभोज कार्यक्रम खनाल लिकर्स गढवाका प्रोप्राइटर राजन खनाल,संघका संस्थापक अध्यक्ष दयाराम थापा, भालुवाङ होटल व्यवसायी संघका अध्यक्ष सुमन्त बेल्बासे, होटल व्यवसायी संघ लुम्बिनी प्रदेशका सचिव महेश बेल्बासे, गढवा उद्योग बाणिज्य संघका अध्यक्ष ओम प्रकाश बसेल, दाङ देउखुरी होटल ब्यवसायी संघका अध्यक्ष दिपेन्द्र पुन मगर, होटल ब्यवसायी महासंघका केन्द्रीय सदस्य नारायण भुसाल, गढवा गाउँपालिका १ नम्बर वडा अध्यक्ष बाबुराम अधिकारी, होटल व्यवसायी संघ लुम्बिनी प्रदेशका अध्यक्ष महेन्द्र श्रेष्ठ, लगायतकाले शुभकामना मन्तव्य व्यक्त गर्नुभएको थियो।
संघको सचिव टोपलाल सुबेदिको स्वागत मन्तव्य बाट सुरु भएको कार्यक्रमको सहजिकरण संघका महासचिव तिलक पुनले गर्नु भएको थियो।
