लमही, २७ माघ। दाङको लमहीमा सञ्चालित सातौं देउखुरी कृषि पर्यटन तथा व्यापारिक महोत्सव २०८१ को आइतबार सम्पन्न भएको छ।
देउखुरी उद्योग वाणिज्य संघ लमहीको आयोजनामा लमही स्थित अजम्बरी सामुदायिक वनको जैविक विविधता ग्रिन पार्कमा सञ्चालित महोत्सवमा माघ १० गतेदेखि माघ २७गते सम्म सञ्चालनमा आएको थियो।
माघ १० गते देखि २७ गते सम्म सञ्चालन हुने महोसत्सवबाट संकलित रकमले आइसियु सहितको एम्बुलेन्स खरिद गर्ने, अजम्मरी सामुदायिक वन उपभोक्त समूहद्वारा संचालित जैविक विविधता ग्रिन पार्कलाई व्यवस्थापनमा सहयोग गर्ने उद्देश्य राखिएको देउखुरी उद्योग बाणिज्य संघ लमहीका अध्यक्ष कमल जंग सिंह ठकुरीले जानकारी दिनु भयो।
कला साधक र सर्जक देशका अमूल्य निधि भएको उल्लेख गर्दै महोत्सवमा स्थानीय कलाकारले सिर्जना गरेका कलाकृति देशका अमूल्य सम्पत्ति एवं मुलुकको पहिचानका महत्वपूर्ण प्रतीक भएकाले यसको संरक्षण गरिनुपर्नेमा जोड दिइएको थियो।
महोत्सवमा ३ सय वटा स्टल मध्य २ सय ५० वटा स्थानिय व्यापारी र ५० वटा कृषि क्षेत्रको लागि निर्धारण गरिएको छ ।
गढवामा सञ्चालित भिटा परियोजना द्वारा गढवा कृषि उपज प्रदर्शनी, बोका प्रदर्शन, गढवा ३ को माटोका भाडा प्रदर्शन तथा बिक्रीका लागि स्टल राखिएको थियो।
महोत्सवमा झांकी, कृषि उद्यम र परम्परागत मौलिक लोकनृत्य तथा गायन क्षेत्रमा मुल्यांकन गरी पुरस्कृत गरिएको थियो।
झाँकी प्रदर्शनी परम्परा र संस्कृति बिधामा मजगाउ युवा क्लब लमही – ३ प्रथम स्थान हाँसिल गरि २० हजार नगद सहित सम्मानित भएको छ भने , त्यसैगरी सोही बिधामा लमही मगर समाज लमही – ५ द्वितीय र थारु कल्याणकारी सभा लमही ५ तृतीय स्थान हासिल गरिन् क्रमशः १० र ५ हजार नगद सहित सम्मानित भएका छन्।
त्यसैगरी परम्परागत मौलिक लोकनृत्य, गायन बिधामा गढवा गाउँपालिका वडा नम्बर ७ मा रहेको चाम्बोला थारु सास्कृतिक कला केन्द्र गढवा – ७ झारबैराले प्रथम स्थान हासिल गर्न सफल भएको छ। एक लाख नगद सहित सम्मानित भएको छ त्यसैगरी गढवा गाउँपालिकामा रहेको गढवा पञ्चैबाजा कला संस्कृति संरक्षण केन्द्र गढवा ६ परिचोकले पञ्चैबाजा सोरठी बाट द्वितीय स्थान हासिल गरी ५० हजार सहित सम्मानित भएको छ। भने नेपाल कुमाल समाज लमही ५को सोरठी ले तृतीय स्थान हासिल गर्न सफल भएको छ र १५ हजार नगद सहित सम्मानित भएको छ।
त्यसैगरी त्यसैगरी कृषि तथा उद्यम बिधातर्फ भैसकुर्मा कृषक समूह लमही – ४को तरकारी बाली प्रथम, १० हजार नगद सहित सम्मानित, त्यसैगरी गढवा गाउँपालिकामा सञ्चालित भिटा परियोजनाको तरकारी बाली द्वतिय ५ हजार सहित सम्मानित भएको छ भने गढवा गाउँपालिकामा सञ्चालित भिटा परियोजना मार्फत गएको बोका प्रथम स्थान हासिल गर्न. फल भएको छ र १० हजार नगद सहित सम्मानित भएको छ भने लखनराम चौधरी लमहि – ४को बोका द्वितीय ५ हजार नगद सहित सम्मानित भएको छ।
त्यसैगरी बुर्हान बहुउद्देश्यीय कृषि फर्म लमही – ६को पंक्षी भाले प्रथम स्थान हासिल गरी १० हजार नगद सहित सम्मानित भएको छ भने एफ बि बहुउद्देश्यीय कृषि फर्म राप्ती – ६को फुल र तरकारी बेर्ना प्रथम भई १० हजार नगद सहित सम्मानित भएको छ भने न्यु लालि गुराँस नर्सरी लमही ३को फुल द्वितीय स्थान हासिल गरी ५ हजार नगध सहित सम्मानित भएको छ।
त्यसैगरी गढवा गाउँपालिकामा सञ्चालित भिटा परियोजनाका कृषकको गँड्यौला मल उत्पादन सान्त्वना स्थान प्राप्त गर्न सफल भएको छ। त्यसैगरी सफलता थारु तथा लघु उद्यम समूह लमही ६ को कन्य तथा गोब्रे च्याई सान्त्वना, गढवा गाउँपालिका वडा नम्बर ३ को लालीगुराँस दिपावति थारु कुमाल समूहको माटाका भाँडा सान्त्वना, गणेश बहादुर चौधरी लमही २
दामोदर अधिकारी लमही ३ र तुल्सीराम पाण्डे लमहि ५ तरकारी तर्फ सान्त्वना स्थान हासिल गरी २ हजारका दरले नगद सहित सम्मानित भएका छन्।
सातौं देउखुरी कृषि पर्यटन तथा व्यापारिक महोत्सवको समापन कार्यक्रम देउखुरी उद्योग बाणिज्य संघ लमहीका अध्यक्ष कमल जंग सिंह ठकुरीको अध्यक्षता तथा लमही नगरपालिकाका प्रमुख जोग नारायण चौधरीको प्रमुख आतिथ्य तथा गढवा गाउँपालिका उपाध्यक्ष शारदा कुमारी चौधरीको बिशिस्ट आतिथ्यमा सम्पन्न भएको हो।
यस्तै महोत्सवमा प्रवेश शुल्क १ सय, विद्यार्थीलाई ८० रुपैँया कायम गरिएको छ । त्यसैगरी जेष्ठ नागरिक तथा अपांगता भएका नागरिकलाई महोत्सवमा निशुल्क प्रवेशको व्यवस्था गरिएको छ । फरक फरक समुदायका फरक फरक मौलिक सांस्कृतिक झलकहरु महोत्सवमा प्रस्तुत गरिएको थियो।
