गढवा, १८ माघ। शैक्षिक क्षेत्रमा गुणस्तर सुधारका लागि नेपाल निवृत्त शिक्षक समाज संगको समन्वय अपरिहार्य रहेको गढवा गाउँपालिका अध्यक्ष यमनारायण शर्मा पोख्रेलले बताउनु भएको छ। गढवाको समग्र शैक्षिक विकासको लागि नेपाल निवृत्त शिक्षक समाजसंगको सहकार्य सहयोग बिना अघि बढ्न नसक्ने भन्दै निवृत्त शिक्षक समाज एउटा बिज्ञ टिम भएको भन्दै शैक्षिक क्षेत्रमा यहाँहरुको सहयोग अपरिहार्य भएको बताउनुभयो।
नेपाल निवृत्त शिक्षक समाज गढवाले आयोजनामा माध्यमिक विद्यालय स्तरीय वक्तृत्वकला प्रतियोगिताकोको समापन कार्यक्रममा बोल्दै अध्यक्ष पोख्रेलले सो कुरा बताउनुभएको हो।
नेपाल निवृत्त शिक्षक समाजको आयोजनामा गढवाका अध्यक्ष कपिलदेव खनालको अध्यक्षता तथा गढवा गाउँपालिका अध्यक्ष यमनारायण शर्मा पोख्रेलको प्रमुख आतिथ्य तथा सरस्वती मावि बिद्यानगर गोबरडिहाका विद्यालय व्यवस्थापन समितिका अध्यक्ष आशा राम चौधरीको बिशिस्ट आतिथ्यमा सम्पन्न भएको हो।
वक्तृत्वकला प्रतियोगिताको उद्घाटन कार्यक्रममा बोल्दै प्रमुख अतिथि तथा गढवा गाउँपालिका अध्यक्ष यमनारायण शर्मा पोख्रेलले संस्कार सहितको शिक्षा कसरी दिन सक्ने बारे पालिका गम्भिर बनेको बताउनुभयो। विद्यार्थीको समग्र व्यक्तित्व विकाश हुन नसकेको बताउदै त्यसतर्फ सुधार गर्न गाउँपालिकाले विभिन्न कार्यक्रमहरु सञ्चालन गर्दै आएको बताउदै अध्यक्ष पोख्रेलले नेपाल निवृत्त शिक्षक समाजले विद्यार्थीहरुको अवस्था बिग्रँदो अवस्था देखेर शिक्षामा गुणस्तर सुधारका लागि आयोजना गरिएको वक्तृत्वकला प्रतियोगिताले
विद्यार्थीको पठनपाठनको क्षेत्रमा थप टेवा पुग्ने बताउनुभयो। समग्र शैक्षिक गुणस्तर सुधारका लागि स्थानीय सरकारले मात्र केही गर्न नसक्ने भन्दै सबैको साझा प्रयासको खाँचो रहेको बताउनुभयो। नेपाल निवृत्त शिक्षक समाजको अनूभव, बिज्ञता र मार्गदर्शनको आवश्यकता आफुले महसुल गरेको बताउदै गाउँपालिका अध्यक्ष पोख्रेलले आगामी दिनमा गढवा गाउँपालिकाको शैक्षिक गुणस्तर सुधारका लागि नेपाल निवृत्त शिक्षक समाजसंगको सहकार्य गरी अघि बढने प्रतिबद्धता व्यक्त गर्नु भयो। निवृत शिक्षक समाजको अनुभव, ज्ञान क्षमताले गढवाको शैक्षिक क्षेत्रमा सहयोग पुग्ने बताउनुभयो।
नेपाल निवृत्त शिक्षक समाज दाङका सचिव डम्मर पाण्डेले स्थानीय पाठ्यक्रम निर्माणमा नेपाल निवृत्त शिक्षक समाजले पुर्ण रुपमा सहयोग गर्न तयार रहेको बताउनुभयो। स्थानीय सरकारले नेपाल निवृत्त शिक्षक समाजको आवश्यकता महसुस गरी बोलाए सदैव सहयोग गर्ने प्रतिबद्धता व्यक्त गर्नुभयो। निवृत्त शिक्षक समाजलाई जिविकोपार्जन गर्न सरकारले हेरे पनि चलायमान रहन र आफ्नो ज्ञान शिप कला बौद्धिक र नैतिक शिक्षा स्थानीय सरकार र शैक्षिक क्षेत्रमा सहयोग गर्न तम्तयार भएको बताउनुभयो।
‘शैक्षिक गुणस्तर अभिवृद्धिमा सरोकारवालाहरुको भुमिका विषयक वक्तृत्वकला प्रतियोगितामा’ सरस्वती मावि बिद्यानगर गोबरडिहा, बुद्ध ज्योति माध्यमिक विद्यालय गढवा, ज्ञान ज्योति इङ्लिश बोर्डिङ स्कुल, जनता मावि कालाकाटे, शुभतारा इङ्ग्लिस बोर्डिङ स्कुल गढवाका छात्रा छात्रहरुले प्रतियोगितामा भाग लिएका थिए।
वक्तृत्वकला प्रतियोगितामा सरस्वती मावि बिद्यानगर गोबरडिहाकी छात्रा ज्ञानमति यादव प्रथम, जनता माध्यमिक विद्यालय कालाकाटेकी छात्रा सम्पदा कौशल द्वितीय, शुभतारा इङ्ग्लिस बोर्डिङ स्कुल गढवाकी छात्रा विद्या यादव तृतीय र श्रान ज्योति इङ्लिश बोर्डिङ स्कुलकी छात्रा सन्ध्या थारु कुमाल सान्त्वना स्थान हासिल गर्नु भएको थियो।प्रतियोगितामा बिजेता हुने चारै जनालाई नगद र प्रमाणपत्र ले पुरस्कृत गरिएको थियो।
वक्तृत्वकला प्रतियोगिताको निर्णायकमा शिक्षा प्रेमी शशीधर ज्ञवाली, डम्मर पाण्डे र गंगानाथ कोईराला रहनु भएको थियो। कार्यक्रममा विभिन्न विद्यालयका प्रधानाध्यापक, निवृत्त शिक्षक समाजका आजिवन सदस्यहरु, शिक्षकहरु, विद्यार्थी लगायतको सहभागिता रहेको थियोे।
नेपाल निवृत्त शिक्षक समाज गढवाकी महिला उपाध्यक्ष शान्ता केसीको स्वागत मन्तव्य बाट सुरु भएको कार्यक्रमको सहजिकरण नेपाल निवृत शिक्षक समाजका सचिव खगेश्वर शर्माले गर्नु भएको थियो।
