गढवा, १० माघ। कति बस्छौ चुला र चौकामा, आउ बाहिर रमाउ खेलमा भन्ने मुल नाराका साथ छैठौं महिला फुटबल प्रतियोगिता २०८१ जनता माध्यमिक विद्यालय गढवाको खेलमैदानमा बुधबार देखि सुरु भएको छ ।
क्रियटिङ पोसिबिलिटिज नेपालको आयोजनामा उक्त प्रतियोगिता शुरु भएको हो । प्रतियोगितामा गढवा, राप्ती र राजपुर गाउँपालिकाका क्रियटिङ पोसिबिलिटिज नेपालद्धारा गठित ६१ वटा आमा समुहका २५ देखि ५२ वर्ष उमेर समुहका १०४ जना महिलाहरुले भाग लिईरहेका छन् भने प्रतियोगिता ३ दिन सम्म संचालन हुनेछ ।
सिपि नेपालको आयोजनामा आज देखि माघ १२ गते सम्म महिलाहरुका लागि फूटवल लगाएतका विविध खेलकुद सुरु भएको छ । जुनु चौधरिको अध्यक्षतामा भएको कार्यक्रमका बिच हर इण्टरनेशनल का प्रमुख विदेशी नागरिक मिलेश बोनोले खेलको उद्घाटन गर्नु भएको थियो ।
कार्यक्रममा स्थानिय सरकारका जनप्रतिनिधि र सिपि नेपालका निर्देशक दिनेशराज सापकोटा लगाएत महिला खेलाडिहरु र सिपि नेपालका कर्मचारिहरुको उपस्थिति रहेको थियो ।
उद्घाटन समाराेहकाे सभाध्यक्ष क्रियटिङ पोसिबिलिटिज नेपालकाे कार्यसमिति सदस्य जुनु चाैधरी, प्रमुख अतिथि हर इन्टरनेशनलका संस्थापक मिसेल बाेनाे, बिशिस्ट अतिथि गढवा गाउँपालिका उपाध्यक्ष शारदा चाैधरी, राप्ती गाउँपालिका उपाध्यक्ष कमलापति चाैधरी र ईलाका प्रशासन कार्यालय लमहीका प्रमुख अम्मर राज शर्मा लगायतको सहभागिता रहेको थियो।
महिलाहरु सधै घरकाे चुला र चाैकामा मात्र ब्यस्थ हुने हुनाले यस खेल मार्फत उनिहरुलाई बाहिर ल्याई खेल मार्फत उनिहरुलाई शसक्तिकरण गर्ने उदेश्यका साथ प्रतियोगिताकाे आयाेजना गरेकाे सी.पी. नेपालका निर्देशक दिनेश राज सापकोटाले जानकारी दिनुभयाे ।
