गढवा, ८ माघ ।गढवा गाउँपालिका सहकारी शाखाको आयोजनामा सोमबार देखि सुरु भएको दुई दिने सहकारी संस्थाका व्यवस्थापक तथा सञ्चालकहरुका लागि कोपोमिस तालिमको आज मंगलवार समापन भएको छ।
दुईदिने कोपोमिस तालिमको समापन कार्यक्रममा बोल्दै गढवा गाउँपालिका उपाध्यक्ष शारदा कुमारी चौधरीले सहकारी संस्थाले जिवनको बाटो निर्धारण गर्ने बताउदै आफु सहकारी संस्था हुदै राजनीतिमा सक्रिय भएको बताउनुभयो । सहकारी संस्था लाई सही ढंगले अघि बढाए देशको अर्थतन्त्र मजबुत हुने बताउनु भयो। सहकारी संस्था लाई व्यवस्थित बनाउन कोपोमिस आवश्यक भएको उपाध्यक्ष चौधरीले बताउनुभयो।
समापन कार्यक्रममा बोल्दै गढवा गाउँपालिकाका प्रमुख प्रशासकीय अधिकृत कृष्ण प्रसाद पौड्यालले सहकारी व्यवस्थापनका लागि कोपोमिस तालिम अति आवश्यक भएको बताउनुभयो। ज्ञान बिनाको सहकारी सञ्चालनमा कठिनाइ हुने भन्दै सिकेको ज्ञान सिप लाई प्रयोग गरी सहकारी संञ्चालन गर्न अनुरोध समेत गर्नु भयो। कानुनमा भएको व्यवस्था भन्दा बाहिर गएर काम कर्तव्य गरे सहकारी संस्था लाई अघि बढाउन नसक्ने बताउनुभयो।
कार्यक्रममा बोल्दै प्रशिक्षक तथा सहकारी शाखा प्रमुख अशाेक कुमार यादवले यो तालिम सहकारी संस्थाको व्यवस्थापनलाई व्यवस्थित, पारदर्शी र प्रभावकारी बनाउन महत्वपूर्ण हुने अपेक्षा गरिएको बताउनु भयो । सहभागीहरूले प्राप्त ज्ञानलाई सहकारीहरूको सुधार र प्रवर्द्धनमा प्रयोग गर्ने प्रतिबद्धता व्यक्त गर्नै पर्ने प्रमुख यादवले भन्नुभयो।
गढवा गाउँपालिका उपाध्यक्ष शारदा कुमारी चौधरीको अध्यक्षतामा भएको समापन कार्यक्रममा गढवा गाउँपालिका प्रमुख प्रशासकीय अधिकृत कृष्ण प्रसाद पौड्याल, सहकारी शाखा प्रमुख अशाेक कुमार यादव,पकेट कृषक सहकारी संस्था लिमिटेड सञ्चालक समितिका कोषाध्यक्ष जयराम यादव, साना किसान कृषि सहकारी संस्था लिमिटेडका व्यवस्थापक शुस्मा अधिकारी, उनको बचत तथा ऋण सहकारी संस्था लिमिटेडकी व्यवस्थापक जुनु चौधरीले बोल्नु भएको थियो।
दुई दिने कोपोमिस तालिमको प्रशिक्षकमा सहकारी शाखा प्रमुख अशाेक कुमार यादव र रोजगार सहायक सत्यपाल यादवले गर्नु भएको थियो।
कार्यक्रमको सञ्चालन रोजगार सहायक सत्यपाल यादवले गर्नु भएको थियो।
