गढवा, २८ माघ । बाल संसार एकेडमी एण्ड मन्टेश्वरी गढवाको पाचौं वार्षिकोत्सव तथा अभिभावक दिवसको अवसरमा किड्स ओलम्पिक अभिभावक खेलकुद कार्यक्रम र दीक्षान्त समारोह आईतवार गढवामा सम्पन्न भएको छ ।
मन्टेश्वरीले आयोजना गरेको माघ २६ गतेदेखि जनता माध्यमिक विद्यालय गढवाको खेल मैदानमा जारी खेलकुद कार्यक्रमको आज समापन गरिएको छ। खेलमा बिजय भएका छात्र छात्राहरुलाई आईतवार सम्मान समेत गरिएको छ।
बिक्रम् सम्बत् २०७९ सालमा प्रि प्राइमरी तह पार गरेका विद्यार्थीहरुको दिक्षान्त समारोह समेत गरिएको विद्यालयले जनाएको छ।
खेलकुद तथा दिक्षान्त कार्यक्रमको समापन कार्यक्रममा बोल्दै प्रमुख अतिथि लिलाधर आचार्यले विद्यालयले नयाँ व्यवस्थाअनुसार शैक्षिक क्षेत्रमा गरेको प्रयास तारिफ योगय भएको बताउनु भएको थियो। आजको समय गुणस्तरीय शिक्षामा प्रतिपर्धा गर्न आवश्यक रहेको भन्दै शिक्षामा आमुल परिवर्तनका लागि बाल संसार एकेडमी एण्ड मन्टेश्वरीले चालेका हरेक पाईला सफल्ता पाओस् भनि शुभकामना ब्यक्त गर्नु भएको थियो ।
बाल संसार एकेडमी एण्ड मन्टेश्वरी गढवाका अध्यक्ष जय बहादुर चौधरीको अधिकृत तथा गढवा खानेपानी तथा सरसफाई उपभोक्ता समितिका उपाध्यक्ष लिलाधर आचार्यको प्रमुख आतिथ्यमा सम्पन्न भएको हो।
दिक्षान्त कार्यक्रममा सीता यादव ,मिनसा कुमाल चाैधरी,उज्ज्वल आले लगायतकाले विद्यालयको सफल्ताको शुभकामना व्यक्त गर्नुभएको थियो।
विद्यालयका प्रिन्सिपल सिर्जना धमलाकाे स्वागत मन्तब्यबाट सुरूभएको कार्यक्रमको सञ्चालन प्रवन्ध निर्देशक कृष्ण पन्थीले गर्नु भएको थियो ।
