गढवा, २५ जेठ । दुर्गा प्राथमिक बिद्यालय गढवा–६, मनिकापुरमा क्रियटिङ पोसिबिलिटिज नेपाल (सीपी) को सहयोगमा बालमैत्री बालबिकास कक्षाको ब्यवस्थापन गरि उद्धघाटन गरिएको छ ।
बिद्यालय ब्यवस्थापन समितिका अध्यक्ष मोहनलाल रानाको सभाध्यक्ष, गढवा गाउँपालिकाकी उपाध्यक्ष शारदा चौधरीको प्रमुख आतिथ्य र गढवा गाउँपालिका वडा नं. ६ का वडाध्यक्ष बिर बहादुर आलेको बिशिष्ट आतिथ्यमा उक्त कार्यक्रम सम्पन्न भएको थियो ।
प्रमुख अतिथि चौधरीले बालबालिकाको शैक्षिक प्रारम्भीक चरण बालबिकास कक्षाबाट शुरु हुने भएकाले यस किसिमको ब्यवस्थापनले कलिला बालबालिकाको शैक्षिक तथा मानसिक स्तर विकासमा महत्वपूर्ण भूमिका खेल्ने साथै शिक्षा क्षेत्रमा सीपी नेपालको कार्य अतुलनिय रहेको बताउनु भएको थियो ।
सीपी नेपालको ६ लाख ४५ हजार १ सय ६८ रुपैया लागतमा बिभिन्न शैक्षिक सामाग्री सहित ब्यवस्थापन गरिएका उक्त दुई कक्षाकोठा कार्यक्रमका प्रमुख अतिथि चौधरी र बिशिष्ट अतिथि आलेले संयुक्त रुपमा रिवन काटि उद्धघाटन गर्नु भएको थियो ।
बालबिकास कक्षाको उद्धघाटन गर्दै गढवा गाउँपालिका उपाध्यक्ष शारदा कुमारी चौधरीले शिक्षा क्षेत्रमा सिपि नेपालले पुर्याएको सहयोगको तारिफ गर्नु भयो। हरेका बिपद् लगायतको अन्य हरेक क्षेत्रमा सिपि नेपालले गरेको सहयोग अतुलनीय रहेको बताउनुभयो। गढवा गाउँपालिका शिक्षामा बिशेष जोड दिएको बताउदै आगामी केही समयमा शिक्षामा गढवा गाउँपालिका फड्को मार्ने बताउनुभयो।
कार्यक्रममा बोल्दै गढवा गाउँपालिका वडा नम्बर ६ का वडाध्यक्ष बिर बहादुर आले मगरले सिपि नेपालले गरेको शैक्षिक सामाग्री तथा भवन निर्माणको सहयोग अतुलनीय रहेको बताउदै धन्यवाद दिनु भयो । शैक्षिक सामाग्री सहयोगले विध्यार्थी बालबालिकाहरुलाई पढाईमा थप सहयोग पुग्ने र कक्षाकोठाको उचित ब्यवस्थापन हुने बताउनु भयो ।
सीपी नेपालका बिद्यार्थि संयोजक श्याम चौधरीको स्वागत मन्तब्यबाट शुरु भएको कार्यक्रममा बिद्यालयका प्रध्यानाध्यापक मन्साराम चौधरी, वडा नं. ६ का सदस्य गोबिन्द रोका मगर, बिब्यस सदस्य कृष्ण बहादुर सुनार लगायतको उपस्थिति रकेको थियो भने कार्यक्रमको सहजिकरण हेमराज शर्माले गर्नु भएको थियो । कार्यक्रम पश्चात उपाध्यक्ष चौधरीले बिद्यालयका कक्षाहरु अनुगमन पनि गर्नु भएको थियो ।कार्यक्रमको सहजिकरण गढवा सिपि नेपालका विद्यार्थी संयोजक हेमराज शर्माले गर्नु भएको थियो।
