गढवा, २४ माघ। गढवा गाउँपालिकाका कृषक महिलाहरुलाई मंगलवार उन्नत किट वितरण गरिएको छ ।
कृषि ज्ञान केन्द्र घोराही दाङको सहयोग तथा गढवा गाउँपालिकासंगको समन्वयमा मुक्त कम्लहरी, आमा समुह र किशोरी समुह लाई लक्षित गरेर १ सय ८५ जना महिलाहरुलाई मंगलवार उन्नत किट वितरण गरेको हो ।
किट वितरण कार्यक्रम बोल्दै गढवा गाउँपालिका उपाध्यक्ष शारदा कुमारी चौधरीले कृषकको लागि पालिकाले अहम भुमिका खेलीरहेको बताउनुभयो । बाँझो जमिन राखेर तरकारी किनेर खानु हुदैन भन्दै मिहेनत गरेर ताजा तरकारी फलाई खाना सबैलाई अनुरोध गर्नु भयो । निशुल्क बिऊ सदुपयोग गर्न अनुरोध गर्दै।महिला लक्षित उन्नत किट वितरण कार्यक्रम प्रभावकारी हुनेमा आफु आशाबादी रहेको बताउनु भयो ।
प्रतिजना पांच सय रुपैयाँ बराबरको बिऊ वितरण गरिएको बताइएको छ । दाङ जिल्लामा जम्मा कोटा संख्या एक हजार मात्र रहेको बताउदै कृषि ज्ञान केन्द्र घोराही दाङका अधिकृत फिर्तुमान चौधरीले हजार मध्ये १ सय ८५ गढवा गाउँपालिकालाई दिएको जानकारी दिनु भयो। किट वितरण कार्यक्रम बोल्दै अधिकृत चौधरीले तरकारीको बिशेषताको बारेमा जानकारी दिनु भयो। तरकारीको बिऊ लागेर सही ठाउँमा सदुपयोग गर्न अनुरोध समेत गर्नु भयो । हामीले खाने थालमा तरकारीको मात्रा धेरै र अनिवार्य हुनु पर्ने बताउदै अधिकृत चौधरीले खाएर बचेको ब्यापार गरेर जिविकोपार्जन गर्न सकिने भएकोले तरकारी पेसामा लाग्नु पर्ने बताउनु भयो ।
कार्यक्रममा कृषि ज्ञान केन्द्र घोराही दाङकी कृषि अधिकृत देवा महरा, सुलभ कर्जा सहजकर्ता कृषि ज्ञान केन्द्र घोराहीकी सुजना केसी, मुक्तकम्लहरी बिकास मञ्चकी फिल्ड संयोजक ज्ञानु थापा लगायतकाको उपस्थिति रहेको थियो।
