गढवा, १६ कार्तिक
गढवा गाउँपालिका द्वारा मतदाता शिक्षा समुदायस्तर घरदैलो कार्यक्रम सुरु गर्ने भएको छ।
स्थानीय तहमा महिला स्वास्थ्य स्वयंसेविका परिचल गरि नमूना मतपत्र र अन्य मतदाता शिक्षा सामाग्रीहरुको माध्यमबाट मतदान गर्ने सहि तरिका र मतदान सम्बन्धी थप जानकारी दिने गरी पन्ध्र दिन सम्म मतदाता शिक्षा समुदायस्तर /घर दैलो कार्यक्रम सञ्चालन गर्ने तयारी पुरा भएको गढवा गाउँपालिकाका प्रमुख प्रशासकीय अधिकृत आशिष चौधरीले जानकारी दिनुभयो ।
बुधबार गढवा गाउँपालिकाका प्रमुख प्रशासकीय अधिकृत आशिष चौधरीको संयोजकत्वमा बसेको बैठकले गढवा गाउँपालिकाको आठ वटै वडामा मतदाता शिक्षा सञ्चालन समिति गठन गर्ने निर्णय समेत गरेको छ ।
साथै महिला स्वास्थ्य स्वयंसेविका हरु लाई नमूना मतपत्र र अन्य मतदाता शिक्षा सामाग्रीहरुको हस्तान्तरण गरेको जनाएको छ ।
महिला स्वास्थ्य स्वयंसेविकाहरुले पन्ध्र दिन सम्म निर्वाचन कार्यालय बाट प्राप्त भएको नमूना मतपत्र र अन्य मतदाता शिक्षा सामाग्रीहरुको माध्यमबाट वडाका बिभिन्न ठाउँमा प्रचार प्रसार र सचेतनाको कार्यक्रम गर्ने छन्।साथै निर्वाचन कार्यालय बाट प्राप्त भएको पर्चा, पोष्टर लगायतका मतदाता शिक्षा सामाग्री वितरण तथा टांस गर्ने छन्।
