लमही–कोइलावास खण्डको हुलाकी राजमार्गमा सुचारु राख्न गढवा गाउँपालिकाले बिशेष ध्यान दिएको छ। बर्षातको समयमा पहिरो बाट गढवा कोइलाबासको बाटो आवतजावत बन्द हुन नदिन गढवा गाउँपालिकाले चासोको रुपमा हेरेको गढवा गाउँपालिकाका अध्यक्ष यमनारायण शर्मा पोख्रेलले जानकारी दिनु भयो । बर्षातको समयमा पहिरोको कारण बाटो बिग्रने हुदा नेपालगंज हुलाकी निर्देशनालय योजना कार्यलयका प्रमुख योगेस सुमन संग पटकपटक अनुरोध गरेको अध्यक्ष शर्माले बताउनुभयो।
लमही–कोइलावास खण्डको हुलाकी राजमार्गमा बर्षातका कारण पहिरो गएर अबरुद्ध भएको जनगुनासो आएसंगै गढवा गाउँपालिका वडा नम्बर ५का अध्यक्ष लेखराज थापा, इलाका प्रहरी कार्यालय गढवाका प्रहरी बरिष्ठ हलदार मिलन घर्ति, पत्रकार र स्थानीय सहितको टोलीले स्थलगत अनुगमन गरेको छ । अनुगमनको क्रममा कोइलाबासको पहाडी क्षेत्रमा पहिरोले बाटो बन्द भएको तर मर्मत कार्य सुचारु रहेको ५ नम्बर वडाध्यक्ष लेखराज थापाले जानकारी दिनु भयो ।
पहिरो प्रभावित क्षेत्रमा दुईवटा जेसिबीले काम गरिरहेका छन्, बाटो अबरुद्ध भएको छैन वडध्यक्ष थापाले बताउनुभयो। वडाअध्यक्ष थापाले नेपालगंज हुलाकी निर्देशनालय योजना कार्यालयका प्रमुख योगेस सुमन संग पनि टेलिफोनबार्ता गरी लमही-कोईलाबास सडक खण्ड नियमित मर्मत गर्न अनुरोध गर्नु भएको छ ।
यही वर्षको चैत मसान्तसम्म लमही-कोईलाबास हुलाकी राजमार्ग हस्तान्तरण गर्ने योजना रहेको नेपालगंज हुलाकी निर्देशनालय योजना कार्यालयका प्रमुख योगेस सुमनले बताउनुभयो। बर्षातलाई ध्यानमा राखी दुईवटा जेसिबी त्यही क्षेत्रमा मर्मतका लागी खटाईएको प्रमुख सुमनले जानकारी दिनुभयो।
