रुपन्देहीको तिनाउ नदीले बगाएर एक जनाको मृत्यु भएको छ ।
बुटवल उपमहानगरपालिका–११ बुद्धनगरका ६५ वर्षीय किशोरबहादुर नेपालीको नदी किनारमा शव भेटिएको इलाका प्रहरी कार्यालय बुटवलका प्रहरी प्रमुख ठगबहादुर केसीले जानकारी दिए ।
नेपालीको शव सोमबार बिहान बुटवल उपमहानगरपालिका–११ प्रगतिनगरस्थित तिनाउ नदीमा फेला परेको बुटवल ११ का वडा सदस्य नकुल शाहीले बताए ।
बाढीले बगाएर ल्याएका दाउरा समात्ने क्रममा उनलाई तिनाउ नदीले बगाएको हुनसक्ने प्रहरीको अनुमान छ । घटनाका बारेमा अनुसन्धान भइरहेको प्रहरीले जनाएको छ ।
मा प्रकाशित
