स्वर्गद्धारी दर्शन गरी फर्किएका दुई वटा पिकअप छुट्टाछुट्टै ठाउँमा दुर्घटना भएको छ ।
दुर्घटनामा एक भारतीय नागरिकको मृत्यु भएको छ । दुर्घटना हुनेहरुमा दुई जनाको अवस्था गम्भिर रहेको छ । स्वर्गद्धारी मन्दिर दर्शन गरी फर्किएको बाेलेरो पिकअप दुर्घटना हुदाँ एक जनाको मृत्यु भएको छ । भारतीय नागरिक चढेको पिबी.१०जि.जेड.०२७९ नम्बरको गाडी दुर्घटना भएकाे थियो ।
दुर्घटना हुदा भारत उत्तर प्रदेशका ५८ वर्षिय विक्की नाउको घटना स्थलमै मृत्यु भएको जिल्ला प्रहरी कार्यालय प्यूठानका प्रहरी निरिक्षक लाल बहादुर विकले जानकारी दिनु भयो । विकका अनुसार २ जनाको अवस्था गम्भिर रहेकोले भैरवामा रिफर गरिएको छ । अन्य व्यक्तिको अवस्था सामान्य रहेको छ । गाडीमा सवार २७ जना व्यक्ति रहेका थिए । गाडी स्वर्गद्धारी नगरपालिका ४ घडेरीमा ब्रेक फेल भई दुर्घटना भएको हो । त्यस्तै मन्दिर दर्शन गरी फर्किएको अर्को पिकअप दुर्घटना हुदाँ दुई भारतीय नागरिक घाईते भएका छन । उनीहरुलाई पनि जिल्ला बाहिर रिफर गरिएको विकले बताए । पि.बी ५१ ई ४९८४ नम्बरको पिकअप भिङ्ग्री जलुकेमा दुर्घटना भएको हो ।
