पाकिस्तानका चर्चित टिभी स्टार तथा कराँचीबाट पीटीआई नेशनल एसेम्बलीका सदस्य डा. अमिर लियाकत हुसैनको कराँचीमा निधन भएको छ ।
पाकिस्तानी सञ्चारमाध्यमका अनुसार स्वास्थ्यमा समस्या देखिएपछि उनलाई अस्पताल लगिएको थियो तर चिकित्सकका अनुसार अस्पताल ल्याउँदा उनको मृत्यु भइसकेको थियो ।
उनको मृत्युको यकिन कारण भने खुल्न नसकेको प्रहरीले जनाएको छ । उनको पोस्टमार्टम हुनेछ ।
आमिर लियाकतको निधनका कारण राष्ट्रिय सभाको बैठक शुक्रबार साँझ ५ बजेसम्मका लागि स्थगित गरिएको छ ।
हालै आमिर लियाकत तेस्रो विवाहलाई लिएर विवादमा फसेपछि उनले देश छोड्ने घोषणा गरेका थिए ।
धार्मिक टिभि कार्यक्रम ‘आलम अनलाइन’ बाट चर्चामा आएका डा। अमिर लियाकत हुसेन सन् २०१८ मा पीटीआईको टिकटमा चुनाव जितेर सांसद बनेका थिए ।
Please follow and like us:
मा प्रकाशित
[TheChamp-FB-Comments num_posts='5']
