नेपाली कांग्रेसका वरिष्ठ नेता रामचन्द्र पौडेलकी छोरी संज्ञा पोखरेल गम्भीर घाइते भएकी छिन् ।
आफ्नै घरको चौथो तलाबाट खसेर गम्भीर घाइते भएकी पोखरेलको राष्ट्रिय ट्रमा सेन्टरको आइसीयुमा उपचार भइरहेको छ । उनी नेपाली कांग्रेस गण्डकी प्रदेश समितिको सदस्यसमेत हुन् ।
पोखरेलको दायाँ गोडा, दायाँ हात र कम्मरको हड्डी भाँच्चिएको छ भने मुहारमा पनि चोटपटक लागेको छ ।नेता पौडेलले आज बिहानै अस्पताल पुगी उनको स्वास्थ्य अवस्थाबारे जानकारी लिएका छन् ।
चिकित्सकका अनुसार पोखरेललाई ‘मल्टिपल इन्जुरी’ देखिएकोले अझै केही समय आइसीयुमै राखेर उपचार गरिनेछ ।
मा प्रकाशित
