अर्थमन्त्री जनार्दन शर्माले लगानीयोग्य रकम अभाव रोक्ने गरी मौद्रिक नीतिको समीक्षा गर्न निर्देशन दिदै गर्भनर महाप्रसाद अधिकारीसँग रिसाएका छन् । उनले बैंकिङ तरलता बढाउन विभिन्न योजना नल्याएका समस्या देखिएको भन्दै गर्भनर अधिकारीलाई नीति समिक्षा गरि कार्य गर्न निर्देशन दिएका हुन् ।
उनले लगानीयोग्य रकम व्यवस्थापनका लागि वित्तिय क्षेत्रले अघि बढ्न सबै २७ वटा क वर्गका बैंकसँग आग्रह समेत गरे ।
अर्थ मन्त्रालयमा आज शुक्रबार गर्भनर महाप्रसाद अधिकारीको सहभागितामा सबै वाणिज्य बैंकका प्रमुख कार्यकारी अधिकृत (सीईओ) सँगको छलफलमा उनले दबाद दिएका हुन् ।
अर्थमन्त्री शर्माले गर्भनर अधिकारीलाई कर्जा–निक्षेप अनुपात (सीडी रेसियो) मा सहुलियत दिनुपर्नेमा जोड दिएको छलफलमा सहभागि मेगा बकैंकी सिइओ अनुपमा कुञ्जेलीले जानकारी दिइन् ।
चालू आवको तीन महिना सकिएको अवस्थामा राष्ट्र बैंकले मौद्रिक नीतिको त्रैमासिक समीक्षा गर्ने तयारी गरिरहेका बेला अर्थमन्त्रीले सल्लाह दिएको हुनसक्ने उनको भनाई छ । सिइओ कुञ्जेलीले सरकार, राष्ट्र बैंकको नीति नियमानुसार कार्य गर्न तयार रहेको उल्लेख गरिन् ।
