सर्पले डसेर दाङमा एक बालिकाको मृत्यु भएको छ। मृत्यु हुनेमा राजपुर गाउँपालिका – ५ महतिनिखोला निवासी ११ वर्षीया सानुमाया विक रहेको जिल्ला प्रहरी कार्यालय दाङका प्रवक्ता राजनकुमार पौडेलले जानकारी दिए।

बिहीवार राति १० बजे घरमै सुतेको बेला एक्कासी देब्रे हातको औलामा सर्पले डसेको थियो। कुन सर्पले डस्यो भन्ने पहिचान नभएको मृतकका बुवा गंगाराम विकले बताए। सानुमायाकी आमा सविना विक राजपुर गाउँपालिका -५ को वडासदस्य हुन्।
सर्पले डसेर गम्भीर अवस्थाकी सानुमायालाई उपचारको लागि लमही अस्पतालमा ल्याउने क्रममा बाटोमै मृत्यु भएको प्रवक्ता गौतमले जानकारी दिए।

नेपाल इन्द्र फाउन्डेसन केन्द्रिय कार्यालयको आज गढवामा एक कार्यक्रमको बिच समुद्घाटन गरिएको छ।

फाउण्डेशनका अध्यक्ष जगदिश यादवको सभापतित्व तथा गढवा गाउँपालिका वार्ड नम्बर ६ का वडाध्यक्ष वीर बहादुर आले मगरको प्रमुख आतिथ्यमा तथा नेपाल अवधि सांस्कृतिक प्रतिष्ठानका कोषाध्यक्ष पट्वारी यादवको विशिष्ट आतिथ्यमा सम्पन्न भएको हो।

कार्यक्रममा बोल्दै प्रमुख अतिथि विरबहादुर आलेमगरले नेपाल इन्द्र फाउन्डेसनले शिक्षाको क्षेत्रमा सुधार ल्याउने उद्देश्यले खुलेको भन्दै सफलताको शुभकामना दिदै प्रशंसा समेत गर्नु भयो। धेरै मानिसहरुबाट शिक्षा बिग्रियो,व्यवहारिक हुन सकेन, नतिजा खस्क्यो, रोजगारमूलक शिक्षा भएन, शिक्षामा अनियमितता र बेथिति बढ्यो, शिक्षामा गुणस्तर सुधारको अवश्यकता रहेको भन्दै यस क्षेत्रमाा काम गर्दा वडाको सहयोग रहने बताउनुभयो।

त्यसैगरी नेपालइन्द्र फाउन्डेसनले भर्खरै प्रकाशित कक्षा १२ को नतिजामा दाङ जिल्ला प्रथम हुन सफल छात्रा नर्मदा चौधरीलाई नगद तथा प्रमाण पत्र सहित सम्मान गरेको फाउन्डेसनका अध्यक्ष जगदीश यादवले जानकारी दिनु भयो।

कार्यक्रममा इलाका प्रहरी कार्यालय गढवा का प्रहरी नायब निरीक्षक पावन कुमार चौधरी, नेपाल अवधि सांस्कृतिक प्रतिष्ठानका कोषाध्यक्ष पट्वारी यादव लगाएतकाले बोल्नु भएको थियो ।

कार्यक्रममा फाउण्डेशनका संस्थापक कोषाध्यक्ष लक्ष्मी चौधरी, सदस्य कोकिल आचार्य, सदस्य सुबास चौधरी लगायतको उपस्थिति रहेको थियो ।

संस्थाकी सदस्य कोकिल आचार्यको स्वागत मन्तव्यबाट शुरु भएको कार्यक्रमको सञ्चालन आर. के. ले गर्नु भयकाे थियाे ।

स्थानीय तहमा एकीकृत स्वास्थ्य तथा पोषण कार्यक्रम अन्तर्गत पालिका तहमा सुआहारा दोस्रो कार्यक्रमको सिकाई कार्यशाला आदानप्रदान सम्बन्धी कार्यशाला गोष्ठी विहिवार गढवामा सम्पन्न भएको छ ।

गढवा गाउँपालिकाका उपाध्यक्ष शारदा कुमारी चौधरीको अध्यक्षता तथा गढवा गाउँपालिकाका निमित्त प्रमुख प्रशासकीय अधिकृत सम्भुराज आचार्यको प्रमुख आतिथ्यमा सम्पन्न भएको हो।

कार्यक्रम बोल्दै उपाध्यक्ष शारदा कुमारी चौधरीले पोषण सुधारको क्षेत्रमा सुआहारा कार्यक्रमले धेरै राम्रो काम गरेकाले अहिले पालिकाले त्यसको अपनत्व लिएर पोषणसम्बन्धी विभिन्न कार्यक्रमहरु सञ्चालन गर्न आवश्यक रहेको बताउनुभयो । आजको अवशक्ता भनेको गर्भवती महिला र गर्भमा रहेको बच्चालाई स्वस्थ राख्नु भनेको भन्दै प्रदेश सरकारले अबलम्बन गरेका कृषि नीति, रणनीति, खाद्यसुरक्षा र पोषण योजना, नेपाल सरकारले अबलम्बन गरेका पशुपंक्षी नीति, रणनीति, खाद्यसुरक्षा र पोषण योजनाअन्तर्गत उल्लेखित पोषण र खाद्यसुरक्षा प्राथमिकता साथै पोषण संवेदनशील पशुपंक्षीसम्बन्धी कार्यक्रम तथा प्रणाली विकासको विषयमा सहजीकरण तर्फ पनि आग्रसर हुनुपर्ने बताउनुभयो ।

गढवा गाउँपालिकाको स्वास्थ्य क्षेत्रमा भएको सुआहारा कार्यक्रमको प्रगति र देखिएका समस्याहरुको बारेमा स्वास्थ्य शाखा प्रमुख कैलाश चौधरीले जानकारी दिनु भएको थियो ।

त्यसैगरी कार्यक्रममा बोल्दै वडा नम्बर – ५का अध्यक्ष लेखराज थापाले सुआहारा कार्यक्रमले स्वास्थ्य क्षेत्रमा पेस गरेको आँकडा लाई मध्यनजर गर्दै त्यो आँकडालाई बढाउने तर्फ अग्रसर हुनु पर्ने कुरामा जोड दिनु भयो ।

कार्यक्रममा गढवा गाउँपालिकाका वडा नम्बर २का अध्यक्ष भक्तु चौधरी, ३ नम्बर वडाका वडाध्यक्ष तुलसी राम अधिकारी, ४ नम्बर वडाका वडाध्यक्ष हरिभगत चौधरी, ५ नम्बर वडाका वडाध्यक्ष लेखराज थापा, ६ नम्बर वडाका वडाध्यक्ष विर बहादुर आले मगर र कार्यपालिका सदस्य रमा भण्डारी, चन्द्रा केसी,मिना पुन, सुर्य बहादुर नेपाली, हेमन्ती कुमारी कुमाल,रोजगार शाखा प्रमुख अशोक कुमार यादव, आईटी प्रमुख रञ्जित पौडेल, बालबालिका तथा महिला शाखा प्रमुख प्रेरणा चन्द, सामाजिक सुरक्षा कार्यक्रमका प्रमुख रिषि यादव, राजस्व शाखा प्रमुख कृष्ण प्रसाद पौडेल, योजना शाखा प्रमुख कुलराज कुमाल, प्राविधिक शाखा प्रमुख बिनय कुमार यादव, स्वास्थ्य शाखा उपप्रमुख द्रोपदा सुबेदी,पशु शाखाका खेम बहादुर चौधरी, सुहारा कार्यक्रम अन्तर्गत कृषि तथा बजारिकारण अधिकृत सेतलाल डागी, खानेपानी तथा सरसफाइ अधिकृत रोसन चौलागाईं, खानेपानी तथा सरसफाइ कार्यक्रमका संयोजक सञ्जय चौधरी, बरिष्ट प्राबिधिक संयोजक अमृत पौडेल लगायतको उपस्थिति रहेको थियो।

कार्यक्रमको बारेमा सुआहारा बरिष्ठ कार्यक्रम संयोजक बिकाश रोकायाले जानकारी गराउनु भएको थियो भने कार्यक्रमको सञ्चालन गढवा गाउँपालिका स्वास्थ्य शाखा प्रमुख कैलाश चौधरीले गर्नु भएको थियो ।