दाङ, १ श्रावण । माण्डवी माध्यमिक विद्यालयकाे पुर्व विद्यार्थी बालिका रसालीले आफ्नो जन्मदिन जेहन्दार तथा विपन्न विद्यार्थीलाई झोला तथा पोशाक वितरण गरेर मनाएकि छिन् ।
आज साउनेसक्रान्तीका दिन नयाँगाउँ स्थित माण्डवी माध्यमिक विद्यालयकाे प्राथनासभामा भएको उक्त कार्यक्रममा माण्डवी गापा अध्यक्ष नमराज अधिकारी र उपाध्यक्ष पुर्ण प्रसाद कालाथाेकिकाे हातबाट जेहन्दार तथा विपन्न विद्यार्थीलाई झोला तथा पोशाक वितरण गरिएको थियाे ।
जेहन्दार र विपन्न विद्यार्थी गरि १९ लाई पोशाक र झाेला शैक्षिक सहयाेग हाेस र आर्थिक अभावका कारणले भाईवहिनी कसैलाई विद्यालय र पठनपाठनमा समस्या नहाेस भन्ने उदेश्यका साथ छाेरीले विदेशबाट जन्मदिनमा सहयोग पठाएर नयाँ तरिकाले मनाएकाे विद्यार्थीकाे आमा कमला रसालीले जानकारी दिनुभयाे ।
माण्डवी गापा ३ दारिमचाैर प्यूठान स्थायी घर भएकी पुर्व विद्यार्थी बालिका रसाली माण्डवी माविबाट कम्प्युटर ईन्जिनियरिङ अध्ययन पश्चात् हाल अमेरिकामा उच्च शिक्षा अध्ययनका लागि Wright State University मा अध्ययन गर्दैछिन । सहयोगी उनलाई उज्वल भविष्यकाे शुभकामना ।
