गढवा,१७ भदौं, गढवा गाउँपालिका–६ बुद्धमार्गमा गठित बौद्धपथ टोल विकास संस्था र स्थानीय महिलाहरूको सक्रियतामा बाटो तथा नालाको सरसफाइ कार्यक्रम सम्पन्न गरिएको छ।
स्थानीयस्तरमै स्वच्छ र स्वस्थ वातावरण कायम गर्नका लागि गरिएको सरसफाइ कार्यक्रममा महिलाहरूको उल्लेख्य सहभागिता देखिएको थियो। सामूहिक प्रयासमा गरिएको यस अभियानले टोललाई थप सफा र व्यवस्थित बनाउन मद्दत पुगेको बताइएको छ।
स्थानीयहरूले यस्तो गतिविधिले समुदायमा एकता र सहकार्यको भावना बढाउने, सरसफाइप्रति चेतना अभिवृद्धि गर्ने र टोललाई उदाहरणीय बनाउन सहयोग पुर्याउने विश्वास व्यक्त गरेका छन्।
Please follow and like us:
