काठमाडौं, १३ फागुन। नेकपा एमालेले सांसद एवं उपाध्यक्ष सुवास नेम्वाङलाई राष्ट्रपतिको उम्मेदवार बनाउने भएको छ।

शनिबार ललितपुरको च्यासलस्थित पार्टी कार्यालयमा बसेको सचिवालय बैठकले उनलाई उम्मेदवार बनाउने निर्णय गरेको हो।

इलाम-२ बाट उनी प्रतिनिधि सभा सदस्यमा विजयी भएका थिए। उनी पूर्व सभामुख पनि हुन्।

उनको विपक्षीमा नेपाली कांग्रेसले वरिष्ठ नेता रामचन्द्र पौडेललाई राष्ट्रपतिको उम्मेदवार बनाएको छ।

Please follow and like us: