गढवा,१८ कार्तिक। गढवा गाउँपालिका स्वास्थ्य शाखाको आयोजनामा आज क्षयरोग (टिबी) नियन्त्रणसम्बन्धी वार्षिक समीक्षा कार्यक्रम सम्पन्न भएको छ।
कार्यक्रममा गढवा गाउँपालिकामा रहेका चार वटा स्वास्थ्य चौकी गढवा, गंगाप्रसपुर, गोबरडिहा र कोइलाबास—का प्रमुखहरूले आफ्ना–आफ्ना क्षेत्रका स्वास्थ्य सेवा अवस्था र टिबी नियन्त्रणका प्रयासबारे प्रतिबेदन प्रस्तुत गरेका थिए।
स्वास्थ्य चौकीका प्रतिनिधिहरूले विगत वर्षभरमा टिबी रोगको पहिचान, उपचार र समुदायमा जनचेतना अभिवृद्धिका क्रममा आएका उपलब्धि तथा चुनौतीबारे साझा छलफल गरेका थिए।
गढवा स्वास्थ्य चौकीका प्रमुखले भने, “समुदायमा स्वास्थ्य सचेतना बढ्दै गएको र उपचारमा निरन्तरता दिने बिरामीहरूको संख्या वृद्धि भएको देखिएको छ।”
कार्यक्रममा सहभागी स्वास्थ्यकर्मीहरूले सरोकारवालाहरूको सक्रिय सहकार्य बिना रोग नियन्त्रणमा दीर्घकालीन परिणाम सम्भव नहुने भन्दै नियमित समीक्षा र तालिमलाई निरन्तरता दिनुपर्ने सुझाव दिएका थिए। सो समीक्षा कार्यक्रम गढवा गाउँपालिकाको सभाहलमा सम्पन्न भएको हो।
