गढवा, ७ कार्तिक
दाङको देउखुरी गढवामा विद्युत सट हुँदा पराल बोकेको टेक्टरकाे ट्रलीमा आगो लागेको छ ।
गढवा गाउँपालिकाको आँटिपाकरबाट पराल बोकेर गढवातर्फ आउदै गरेको लु ४ त ७८९७ नम्बर को ट्रयाक्टरमा लोड गरिएको परालमा बिजुलीको तार सर्ट हुँदा आगो लागेको ट्रयाक्टर चालक बिजय यादवले जानकारी दिनुभयो।
आगो लाग्दा ट्रलीको एउटा टायर जलेर क्षति भएको छ। ट्रलीभन्दा धेरै माथीसम्म पराल लोड गरेकोले सडकमाथी रहेको तार सर्ट भई आगो लागेको इलाका प्रहरी कार्यालय गढवाले जनाएको छ।
आगो लागेको खबर पाए लगत्तै गढवा गाउँपालिकाको दमकल, इलाका प्रहरी कार्यालय गढवाका प्रहरी टिम र स्थानीयको सहयोगमा आगो नियन्त्रणमा लिईएको हो।
आगो बाट पनि ट्याक्टरको ट्ट्रलीको एक टायर जलेर क्षति भएको छ भने लोड गरिएको पराल पुरै जलेर नष्ट भएको छ।
ट्रलि बन्दा धेरै माथी सम्म पराल लोड गरिएकोले परालको भागले बिध्धुतको तारमा सर्ट भई आगलागी भएको स्थानीयहरुले बताएको छन्।
