गढवा, ३ असोज
गढवा गाउँपालिकाका एक सय घरपरिवार बाढीपिडितहरुको लागि सिपी नेपालले बिहीबार गढवा गाउँपालिकालाई राहत सामग्री हस्तान्तरण गरिएको छ।
क्रियटिङ पोसिबिलिटिज नेपालले गढवा गाउँपालिकामा बिगत १२ वर्ष देखी विपन्न वर्गको आर्थिक र शैक्षिक क्षेत्रमा कार्य गर्दै आईरहेको जनाएको छ । यही असोज २० र २१ गते आएको प्राकृतिक बिपद बाट प्रभावित भएकाअ अति बिपन्न एक सय घरपरिवारका लागि राहत सामग्री गढवा गाउँपालिका लाई हस्तान्तरण गरेको संस्थाले जनाएको छ ।
गढवा गाउँपालिका अध्यक्ष यमनारायण शर्मा पोख्रेल, उपाध्यक्ष शारदा कुमारी चौधरी, प्रमुख प्रशासकीय अधिकृत आशिष चौधरी, प्रशासन प्रमुख पुनाराम शर्मा, न्यायिक समिति सदस्य रेखा थापा, बिपद् व्यवस्थापन समितिका संयोजक श्याम बहादुर बिक लगाएतको उपस्थितिमा राहत सामग्री हस्तान्तरण गरिएको हो ।
राहत सामग्रीमा एक सय थान ब्लाङ्केट, तिन सय थान थाली, एक सय थान डेक्चि, एक सयथान कराही, सय/सय थान डाडु/ पन्यो,एक सय थान परात र ४८ थान स्टिलको जग रहेको क्रियटिङ पोसिबिलिटिज नेपाल आमा समूहका संयोजक सरिता चौधरीले जानकारी दिनु भयो।
बिभिन्न संघ संस्था बाट आएको राहत सामग्री एकद्वार प्रणाली मार्फत वितरण गरिने गढवा गाउँपालिका अध्यक्ष यमनारायण शर्मा पोख्रेलले जानकारी दिनु भयो । ‘हामिले विभिन्न संघ संस्थाहरुको दिएको सहयोग लाई पालिकामा जम्मा गरेर अति बिपन्न, कमजोर बाढीपिडित लाई वितरण गर्ने गरेको’ अध्यक्ष शर्माले बताउनुभयो ।
अहिले सम्म गढवा गाउँपालिका लाई नेत्र ज्योति संघ, लमही आँखा अस्पताल, नेपाल रेड्क्रस सोसाइटी, आम्दा नेपाल लगायत अन्य केही संघ संस्थाहरुले खाद्यान्न, लत्ताकपडा, भाँडा बर्तन सहयोग गरिसकेको उपाध्यक्ष शारदा कुमारी चौधरीले जानकारी दिनुभयो ।
असोज २० र २१ गते आएको बाढीले गढवा गाउँपालिकाको बिभिन्न वडामा गरि करोडौको धनमालको क्षति गरेको छ। कैयौ बिगाह खेतीयोग्य जमिनलाई बगरमा परिणत गरेको छ भने अधिकांश ठाउँमा धानबाली लाई क्षती पुर्याएको छ।
