एसईईको नतिजा सार्वजनिक

४ लाख ९५ हजार ७५१ जना परीक्षार्थी सहभागी भएको परीक्षामा ९ हजार ६ सय ३३ जना परीक्षार्थीले ३.६ देखि ४.० जीपीए ल्याएका छन् ।

त्यसैगरी ३.२ देखि ३.६ जीपीएसम्म ल्याउने परीक्षार्थीको संख्या ४१ हजार ६ सय २७ रहेको राष्ट्रिय परीक्षा बोर्डका सदस्य सचिव दुर्गाप्रसाद अर्यालले जानकारी दिए ।

२.८ देखि ३.२ जीपीएमा ६९ हजार ९००, २.४ देखि २.८ जीपीएमा ९० हजार ५५८, २.० देखि २.४ जीपीएसम्म १ लाख १२ हजार ७३३ र १.६ देखि २ जीपीएसम्म १ लाख ५ हजार ५९४ परीक्षार्थी उत्तीर्ण भएका छन् ।

१.२ देखि १.६ जीपीएसम्म ४४ हजार ५८६ र ०.१ देखि १.२ जीपीएसम्म ल्याउने परीक्षार्थी ३ हजार २८० रहेको बोर्डले जनाएको छ ।