गणनाको क्रममा खसेको भन्दा बढी मत भेटिएपछि मोरङको रंगेलीमा प्रहरी र दलका कार्यकर्ताबीच झडप भएको छ । सोक्रममा प्रहरीले दुई राउण्ड अश्रु ग्यास प्रहार गरेको छ ।
मतगणनास्थलको सुरक्षार्थ खटाइएका प्रहरीउपर दलका कार्यकर्ताहरूले ढुंगामुढा गरेपछि झडपको अवस्था सिर्जना भएको मोरङ प्रहरी प्रमुख शान्तिराम कोइरालाले जानकारी दिए । स्थिति अहिले सामान्य रहेको कोइरालाले बताए ।
रंगेली नगरपालिका-७ को मतगणनाको क्रममा १०७ मत बढी फेला परेपछि शुक्रबार बिहानैदेखि दलका कार्यकर्ताले विरोध गरिरहेका थिए । नेकपा एमाले भने विरोधमा सहभागी थिएन ।
दलहरूको विरोधले रंगेलीको गणना स्थगित छ । कुल ३२४२ मत खसेको रंगेली- ७ मा गणनाको क्रममा ३३४९ मत फेला परेपछि विवाद चर्किएको हो ।
कम्प्युटरमा मत प्रविष्ट गर्दा गडबडी भएको रंगेलीका निर्वाचन अधिकृत रामहरी काफ्लेले बताए ।
मा प्रकाशित
