दाङ २२ असार। : दाङको लमही नगरपालिकाका मेयर चढेको गाडी डुबानमा परेको छ । रा १ झ १४६ नम्बरको स्कारपियो तेलियाको गंगटे खहरे खोला तर्ने क्रममा डुबानमा परेको हो ।
लमही नगरपालिका-९ तेलियास्थित हालै निर्माण गरिएको कच्ची ड्याम फुटेको खबर पाएपछि मेयर जोगराज चौधरी नेतृत्वको टोली तेलिया गाउँ पुगेको थियो ।
गाउँबाट क्षतिको विवरण संकलन गरेर फर्किने क्रममा तेलियाको गंगटे खहरे खोलामा स्कारपियो डुबेको हो ।
खोलामा पानीको बहाब धेरै भएकाले आधा बढी भाग डुबेको छ । गाडीमा सवार सबै सकुशल रहेको जनाइएको छ ।
मा प्रकाशित
