गढवा, ३२ जेठ । गढवा गाउँपालिका वडा नम्बर ३ गोबिन्दनगरमा साढे चार करोड लागतमा कोल्ड स्टोरको निर्माण कार्य सुरु भएको छ।
गढवा गाउँपालिकामा ठुलो प्रोजेक्टको रुपमा रहेको सित भण्डार निर्माण हुन लागेको हो।
बिहिबार एक समारोहका बीच गढवा गाउँपालिका अध्यक्ष यमनारायण शर्मा पोख्रेलले गढवा गाउँपालिका वडा नम्बर ३ गोबिन्दनगरमा बन्न लागेको कोल्डस्टोरको विधिवत् रुपमा शिलान्यास गर्नु भएको हो।
तिन सय मेट्रिक टन क्षमता भएको कोल्डस्टोर संघिय सरकारको बिशेष अनुदान लगानीको कुल ४ करोड ६८ लाख २८ हजर २३ रुपैयाँ ७३ पैसा लागतमा निर्माण कार्य सुरु भएको गढवा गाउँपालिका अध्यक्ष यमनारायण शर्मा पोख्रेलले जानकारी दिनु भयो ।
कोल्डस्टोर निर्माण पछि पालिकाका किसानलाई आलु,फलफूल लगायत कृषि उपज भण्डारन गर्न सहज हुने अध्यक्ष पोख्रेलले जानकारी दिनु भयो ।कोल्डस्टोरको निर्माणको ठेक्का सि ब्रदर्स कन्स्ट्रक्सन प्रालीले ठेक्का परेको छ।
शिलान्यास समारोहमा गढवा गाउँपालिका अध्यक्ष यमनारायण शर्मा पोख्रेल, वडा नम्बर ३का वडाध्यक्ष तुलसी राम अधिकारी,प्राविधिक शाखा प्रमुख बिनय कुमार यादव, ३ नम्बर वडाका वडा सदस्यहरु, स्थानीय लगाएतको उपस्थिति रहेको थियो।
