गढवा, २३ जेठ ।सिप सिकौ रोजगार बनौ’ भन्ने मुल नाराका साथ थाकलबाट हस्तकला सजावटका सामाग्रीहरु निर्माण सम्बन्धि २० दिने तालिमको समापन गढवा १ जेठानगाउँमा समापन गरिएको छ ।
गढवा गाउँपालिका कार्यपालिका सदस्य हेमन्ती कुमारी कुमालको अध्यक्षता तथा गढवा उद्योग बाणिज्य संघका अध्यक्ष खिम बहादुर बुढामगरको प्रमुख आतिथ्य तथा गढवा गाउँपालिका प्रशासन शाखा प्रमुख पुनाराम शर्माको बिशिस्ट आथित्यमा सम्पन्न भएको हो ।
गढवा गाउँपालिका महिला, बालबालिका तथा जेष्ठ नागरिक शाखाको आयोजनामा सञ्चालित २० दिने तालिममा १२ जना महिलाहरुको सहभागिता रहेको थियो।
तालिममा बोल्दै कार्यक्रमका प्रमुख अतिथि तथा गढवा उधोग वाणिज्य संघका अध्यक्ष खिम बहादुर बुढामगरले थाकलबाट हस्तकला सजावटका सामाग्रीहरुको तालिम एकदमै महत्वपूर्ण र राम्रो सम्भावना बोकेको बताउनुभयो। थाकलबाट हस्तकला सजावटका सामाग्रीहरु बनाएर बजारीकरण गर्न सके आय आर्जनका लागि राम्रो स्रोत हुने बताउनु भयो। तालिममा सिकेको कुरा व्यवहारमा ल्गु गर्दै सके एक्लै नसके समूहगत रुपमा व्यासायीक रुपमा अघि बढ्नै पर्ने बताउनु भयो। पालिकाको लाखो खर्चमा सञ्चालित तालिमहरु आय आर्जनका लागि नभई पालिकाको लगानी खेर गैरहेकोले तालिम पश्चात अनिवार्य स्वरोजगार, आय आर्जनका लागि उत्पादन मुलक कार्यक्रम गर्न सुझाव दिनु भयो । तालिममा सहभागीहरुलाई प्रमाण पत्र दिईएको छ।
समापन कार्यक्रममा कार्यपालिका सदस्य रमा भण्डारी, वडा सदस्यहरु जगमति यादव, निमा परियार, गढवा उद्योग बाणिज्य संघका अध्यक्ष खिम बहादुर बुढामगर, गढवा गाउँपालिका प्रशासन शाखा प्रमुख पुनाराम शर्मा, कृषि शाखा प्राविधिक फुलनदेवी चौधरी, रोजगार शाखाका सत्यपाल यादव लगायतकाको उपस्थिति रहेको थियो। कार्यक्रमको सहजिकरण गढवा गाउँपालिका महिला, बालबालिका तथा जेष्ठ नागरिक शाखाकी प्रमुख प्रेरणा चन्दले गर्नु भएको थियो ।
